కోట మైసమ్మ జాతరకు 2 కోట్ల మద్యం నిల్వ?

బెల్ట్‌షాపుల నిర్వాహకులదే హవా?

జాతరలో మద్యం నిల్వ పై ఎక్సైజ్ శాఖ పర్యవేక్షణ ఏది?

సింగరేణి, అక్టోబర్ 17 (విజయక్రాంతి) : ఖమ్మం జిల్లా(Khammam District) సింగరేణి మండలం ఉసిరికాయల పల్లి కోటమైసమ్మ జాతరలో(Kota Maisamma Jathara) మద్యం విక్రయాల(liquor sales) కోసం భారీగా మద్యం నిల్వ చేశారనే ఆరోపణలు స్థానికంగా చర్చనీయాంశంగా మారింది. జాతరను పురస్కరించుకొని బెల్ట్‌షాపుల నిర్వాహకులు(illegal liquor outlets)  సుమారు రూ.2 కోట్ల విలువైన మద్యం నిల్వలు ఉన్నట్లు ప్రచారం జరుగుతోంది.

అయితే ఈ నిల్వల విలువ, పరిమాణంపై అధికారిక నిర్ధారణ రావాల్సి ఉంది.జాతర సందర్భంగా భక్తులు(Devotees), సందర్శకులు పెద్ద సంఖ్యలో తరలివచ్చే అవకాశం ఉండటంతో మద్యం విక్రయాలపై(liquor sales) నియంత్రణ, శాంతిభద్రతల పరిరక్షణ(Maintenance of law and order) కీలకంగా మారాయి. ఇలాంటి సమయంలో అనధికారికంగా మద్యం విక్రయాలు జరుగుతున్నాయా? నిబంధనలకు విరుద్ధంగా మద్యం నిల్వలు ఏర్పాటు చేశారా? అనే ప్రశ్నలు తలెత్తుతున్నాయి.

ఎక్సైజ్ శాఖ పర్యవేక్షణ ఏది?

మద్యం నిల్వ పై నిఘా ఉంచాల్సిన ఎక్సైజ్ శాఖ(Excise Department) అధికారులు క్షేత్రస్థాయిలో తనిఖీలు నిర్వహిస్తున్నారా? అనుమతులు లేకుండా బెల్ట్‌షాపులు నిర్వహిస్తే వాటిపై ఎలాంటి చర్యలు తీసుకుంటున్నారు? భారీగా మద్యం నిల్వలు ఉన్నాయనే ఆరోపణలపై అధికారులు విచారణ చేపట్టారా? అనే అంశాలపై స్పష్టత రావాల్సి ఉంది.జాతర పరిసరాల్లో మద్యం విక్రయాల వల్ల ఎలాంటి అవాంఛనీయ ఘటనలు చోటుచేసుకోకుండా అధికారులు ముందస్తు చర్యలు తీసుకోవాలని స్థానికులు కోరుతున్నారు.

అనధికారిక మద్యం విక్రయాలు జరుగుతున్నట్లు తేలితే సంబంధిత నిర్వాహకులపై చట్ట ప్రకారం చర్యలు తీసుకోవాలని విజ్ఞప్తి చేస్తున్నారు.కోట మైసమ్మ జాతరలో మద్యం నిల్వలు, నిల్వ ల పై వస్తున్న ఆరోపణలపై ఎక్సైజ్ శాఖ ఉన్నతాధికారులు స్పందించి క్షేత్రస్థాయిలో తనిఖీలు నిర్వహించాల్సిన అవసరం ఉంది. రూ.2 కోట్ల విలువైన మద్యం నిల్వలు ఉన్నాయనే ప్రచారంలో వాస్తవమెంత? వాటికి సంబంధిత అనుమతులు ఉన్నాయా? అక్రమ విక్రయాలు జరుగుతున్నాయా? అనే అంశాలపై అధికారిక విచారణతోనే స్పష్టత రానుంది.