జూపెడలో తాగునీటి సమస్యకు శాశ్వత పరిష్కారం

లీకేజీల గుర్తింపు.. పాత పైపుల తొలగింపు, కొత్త పైపుల ఏర్పాటు

 తిరుమలాయపాలెం, అక్టోబర్ 17 (విజయక్రాంతి) : తిరుమలాయపాలెం మండల(Thirumalayapalem Mandal) పరిధిలోని జూపెడ గ్రామంలో ప్రజలకు తాగునీటి సమస్య(Drinking water problem) తలెత్తకుండా సర్పంచ్ వనవాసం నరేందర్ రెడ్డి(Sarpanch Vanavasam Narender Reddy) చర్యలు చేపట్టారు. గ్రామంలోని పలు కాలనీల్లో లీకేజీలకు గురైన తాగునీటి పైపులను గుర్తించి, జేసీబీ సహాయంతో తవ్వకాలు చేపట్టి కొత్త పైపులను ఏర్పాటు చేయిస్తున్నారు. పైపుల లీకేజీల కారణంగా తాగునీరు కలుషితం కాకుండా ముందస్తు చర్యలు తీసుకుంటూ, గ్రామ ప్రజలకు స్వచ్ఛమైన తాగునీరు అందించడమే లక్ష్యంగా పనులను పూర్తి చేయిస్తున్నారు.

భవిష్యత్తులోనూ గ్రామంలో నీటి సమస్యలు తలెత్తకుండా లీకేజీలను ఎప్పటికప్పుడు గుర్తించి మరమ్మతులు చేపడుతున్నట్లు స్థానికులు తెలిపారు. ప్రజల తాగునీటి సమస్య పరిష్కారానికి చర్యలు తీసుకుంటున్న సర్పంచ్‌కు గ్రామస్తులు అభినందనలు తెలిపారు. గతంలోనూ గ్రామంలో విద్యుత్‌ ట్రాన్స్‌ఫార్మర్ల సమస్యలను పరిష్కరించేందుకు మరమ్మతులు చేయించినట్లు గుర్తుచేస్తూ, గ్రామంలో మౌలిక సదుపాయాలు మెరుగుపడాలని ఆకాంక్షించారు.