నా వెనుక ఎవరూ లేరు

రాజకీయ ఎంట్రీపై ధనుష్ ఫుల్ క్లారిటీ!

తమిళ స్టార్ హీరో ధనుష్ రాజకీయ ప్రవేశంపై వస్తున్న ఊహాగానాలకు తెరదించారు. తన వెనుక ఏ రాజకీయ పార్టీ లేదని, దేవుడు, అభిమానులు, ప్రజలే తనకు అండగా ఉన్నారని స్పష్టం చేశారు. చెన్నైలో జరిగిన తన తాజా చిత్రం ‘ఓమ్’ Audio Launch Eventలో ఈ వ్యాఖ్యలు చేశారు. ఇటీవల ధనుష్ రాజకీయాల్లోకి వస్తారనే ప్రచారం జోరుగా సాగుతోంది. ముఖ్యంగా బీజేపీ ఆయనకు మద్దతు ఇస్తోందనే Political Rumours వినిపించాయి. అభిమాన సంఘాలను సంక్షేమ సంస్థలుగా మార్చడం, సభ్యత్వం పెంచడం వంటి పరిణామాలతో ఈ చర్చ మరింత ఊపందుకుంది. తాజాగా స్పందించిన ధనుష్.. తనను ఏ పార్టీ లేదా వ్యక్తి నడిపించడం లేదని స్పష్టం చేశారు.

“నా గురించి ఎన్నో పుకార్లు వస్తున్నాయి. కానీ దేవుడే నన్ను నడిపిస్తున్నాడు. నా అభిమానులు, ప్రజలు మాత్రమే నా వెనుక ఉన్నారు. ఇంతకు మించి ఎవరూ లేరు” అని ధనుష్ పేర్కొన్నారు. దీంతో ఆయన Political Entryపై సాగుతున్న ప్రచారానికి ప్రస్తుతానికి చెక్ పడినట్లయింది. ఇదిలా ఉంటే, ‘ఓమ్’ ఆడియో వేడుకలో అభిమానులకు తీవ్ర అసౌకర్యం కలిగింది. సామర్థ్యానికి మించి జనం రావడంతో సరైన Entry Passes ఉన్న వేలాది మంది కూడా లోపలికి వెళ్లలేకపోయారు. ఈ ఘటనపై ధనుష్ సోషల్ మీడియాలో స్పందిస్తూ అభిమానులకు క్షమాపణలు చెప్పారు. జరిగిన అసౌకర్యానికి పూర్తి బాధ్యత తనదేనని అంగీకరించారు. ‘ఓమ్’ సినిమాలో మమ్ముట్టి, సాయి పల్లవి, శ్రీలీల కీలక పాత్రలు పోషించారు. ఈ చిత్రం ఈ నెల 20న థియేటర్లలో విడుదల కానుంది.