నంది విగ్రహం చోరీపై బీజేపీ నేత ఫైర్

కొల్లాపూర్, నవంబర్ 2 (విజయక్రాంతి): నాగర్‌కర్నూల్ జిల్లా కొల్లాపూర్ మండలం కుడికిల్ల గ్రామంలోని శివాలయంలో నంది విగ్రహం చోరీకి గురికావడంపై బీజేపీ కొల్లాపూర్ నియోజకవర్గ ఇన్‌చార్జి ఏల్లేని సుధాకర్ రావు ఆగ్రహం వ్యక్తం చేశారు. గ్రామస్తుల ఆహ్వానం మేరకు సోమవారం ఆయన ఆలయాన్ని సందర్శించి ప్రత్యేక పూజలు (Special Prayers) నిర్వహించారు.

అనంతరం నిర్వహించిన మీడియా సమావేశంలో ఆయన మాట్లాడుతూ.. గత నెల 27న కుడికిల్ల శివాలయంలో చారిత్రక ప్రాధాన్యత కలిగిన పురాతన నంది విగ్రహాన్ని దుండగులు చోరీ చేశారని తెలిపారు. వారం రోజులు గడుస్తున్నా విగ్రహం ఆచూకీ లభించకపోవడంపై ఆవేదన వ్యక్తం చేశారు. చోరీకి పాల్పడిన దుండగులను గుర్తించి అరెస్టు చేయడంతో పాటు విగ్రహాన్ని తిరిగి తీసుకొచ్చి పునఃప్రతిష్ఠ (Reinstallation) చేయాలని డిమాండ్ చేశారు.

ప్రభుత్వం ఈ ఘటనను తీవ్రంగా పరిగణించి, సంబంధిత అధికారులు, మంత్రి విగ్రహాన్ని తిరిగి తీసుకొచ్చే బాధ్యత తీసుకోవాలని కోరారు. ఈ నెల 10వ తేదీలోగా విగ్రహాన్ని తీసుకురావాలని, లేనిపక్షంలో 11వ తేదీన గ్రామస్తులతో కలిసి శివాలయంలో ఉపవాస దీక్ష (Hunger Strike) చేపడతామని హెచ్చరించారు. విగ్రహం తిరిగి వచ్చే వరకు ఆందోళన కార్యక్రమాలు కొనసాగిస్తామని స్పష్టం చేశారు.ఈ కార్యక్రమంలో ఆలయ కమిటీ చైర్మన్ శివయ్య, గ్రామస్తులు, ప్రజలు, బీజేపీ నాయకులు పాల్గొన్నారు