రాజకీయాల్లోకి ధనుష్?
కోలీవుడ్ స్టార్ ధనుష్ రాజకీయ రంగప్రవేశం(Political Entry) చేయబోతున్నారనే చర్చ తమిళనాడులో జోరందుకుంది. చెన్నైలోని జేబీఆర్ కళాశాలలో ఆదివారం మహిళా అభిమాన సంఘ ప్రతినిధులతో ఆయన ప్రత్యేకంగా సమావేశమయ్యారు. ఈ భేటీకి 58 జిల్లాల నుంచి సుమారు 2,500 మంది హాజరైనట్లు సమాచారం. అభిమానులతో ధనుష్ సమావేశం కావడం, అభిమాన సంఘం పేరు మార్పు, ఢిల్లీ పర్యటనలు వంటి పరిణామాలు ఆయన రాజకీయాల్లోకి వస్తారనే ఊహాగానాలకు (Speculation) మరింత బలం చేకూరుస్తున్నాయి.
ధనుష్ రాజకీయ అరంగేట్రం (Political Debut) ఎప్పుడు ఉంటుందనే అంశంపై అభిమానుల్లో ఆసక్తి పెరుగుతోంది. ముఖ్యంగా 2031 తమిళనాడు అసెంబ్లీ ఎన్నికల్లో (Assembly Elections) ఆయన బరిలోకి దిగాలని అభిమానులు ఆశిస్తున్నారు. అయితే, ధనుష్ తన రాజకీయ ప్రవేశంపై అధికారిక ప్రకటన చేయకపోవడంతో ప్రస్తుతానికి ఈ అంశం చర్చలకే పరిమితమైంది.
మరోవైపు, తమిళగ వెట్రి కళగం (TVK) ప్రతినిధి ఎం. సత్యకుమార్ స్పందిస్తూ.. ధనుష్ రాజకీయాల్లోకి వస్తే స్వాగతిస్తామని పేర్కొన్నారు. దీంతో కోలీవుడ్ నుంచి రాజకీయాల్లోకి వచ్చే ప్రముఖులపై చర్చ మరోసారి తెరపైకి వచ్చింది. అభిమానుల సమావేశం వెనుక ఉన్న అసలు ఉద్దేశం ఏమిటి? ధనుష్ నిజంగానే రాజకీయాల్లోకి అడుగుపెడతారా? అన్నది అధికారిక ప్రకటన వచ్చే వరకు ఉత్కంఠగానే ఉండనుంది.
