సీఎం ఇంట్లో విషాదం

20-11-2026 | 01:02pm

లక్నో: ఉత్తరప్రదేశ్ ముఖ్యమంత్రి యోగి ఆదిత్యనాథ్(Yogi Adityanath) కుటుంబంలో తీవ్ర విషాదం నెలకొంది. ఆయన తల్లి సావిత్రీ దేవి (Savitri Devi) శుక్రవారం ఉదయం కన్నుమూశారు. ఆమె వయసు 91 ఏళ్లు. ఈ విషయాన్ని యోగి సోదరుడు మహేంద్ర ధ్రువీకరించారు. ఉత్తరాఖండ్‌లోని పౌరీ గఢ్వాల్ జిల్లాలో ఉన్న స్వగ్రామం పంచూర్‌లో ఆమె తుదిశ్వాస విడిచారు.

సావిత్రీ దేవి గృహిణి (Homemaker). గత కొంతకాలంగా వృద్ధాప్య సంబంధిత అనారోగ్య సమస్యలతో బాధపడుతున్నారు. పలుమార్లు ఆరోగ్యం క్షీణించడంతో ఆసుపత్రిలో చికిత్స పొందారు. శుక్రవారం ఉదయం ఆమె ఆరోగ్యం విషమించి మరణించారు.

తల్లి అనారోగ్యం (Health Issues) గురించి తెలుసుకున్న యోగి ఆదిత్యనాథ్ గతంలో ఆసుపత్రికి వెళ్లి పరామర్శించారు. తాజాగా ఆమె మరణవార్త తెలియడంతో కుటుంబ సభ్యులు తీవ్ర విషాదంలో మునిగిపోయారు. ఉత్తరాఖండ్ ముఖ్యమంత్రి పుష్కర్ సింగ్ ధామి సహా పలువురు ప్రముఖులు యోగి కుటుంబానికి సంతాపం తెలియజేశారు. సావిత్రీ దేవి అంత్యక్రియలు హరిద్వార్‌లో నిర్వహించే అవకాశం ఉందని జాతీయ మీడియా కథనాలు వెల్లడించాయి

మరిన్ని వార్తలు