ఆయనతో ఒక్క ఫోటో చాలు అనుకున్నా
మమ్ముట్టి సినిమాలో రేణూ దేశాయ్.. ఆ ఒక్క ఫోన్ కాల్తో మారిన కథ!
చాలా కాలంగా వెండితెరకు దూరంగా ఉన్న నటి, దర్శకురాలు రేణూ దేశాయ్(Renu Desai) మళ్లీ సినిమాల్లోకి రీఎంట్రీ ఇస్తున్నారు. మలయాళ మెగాస్టార్ మమ్ముట్టి ప్రధాన పాత్రలో నటిస్తున్న ‘ఓం’ చిత్రంలో ఆమె కీలక పాత్రలో కనిపించనున్నారు. ఈ సినిమాలో మమ్ముట్టికి భార్యగా నటించే అవకాశం రావడం తనకే ఆశ్చర్యం కలిగించిందని రేణూ దేశాయ్ వెల్లడించారు. తాజాగా ఓ Interviewలో సినిమా అవకాశం వెనుక ఆసక్తికరమైన సంఘటనతో పాటు తన ఆరోగ్య రహస్యాలను కూడా పంచుకున్నారు.
శివరాత్రి రోజు వచ్చిన ఫోన్ కాల్!
మమ్ముట్టి(Mammootty) నటనకు తాను పెద్ద అభిమానినని రేణూ దేశాయ్ తెలిపారు. గతేడాది ఆయన సినిమాలు చూస్తున్న సమయంలో ఎప్పటికైనా ఆయనతో ఓ ఫొటో దిగాలని అనుకున్నానని, కానీ ఆయన పక్కన నటించే అవకాశం వస్తుందని ఊహించలేదని చెప్పారు. మహాశివరాత్రి రోజున కామాఖ్య దేవాలయంలో ఉన్నప్పుడు చెన్నై నుంచి ఓ అసిస్టెంట్ డైరెక్టర్ ఫోన్ చేసి మమ్ముట్టి సినిమాలో భార్య పాత్రకు తనను ఎంపిక చేయాలనుకుంటున్నట్లు చెప్పారని గుర్తుచేసుకున్నారు. మొదట ఆ ఫోన్ కాల్ను ప్రాంక్గా భావించి నమ్మలేకపోయానని తెలిపారు. అయితే రెండు నెలల తర్వాత సినిమా టైటిల్ ‘ఓం’ అని ప్రకటించడంతో తనకు గూస్బంప్స్ వచ్చాయని చెప్పారు. ఈ అవకాశం వెనుక దైవ సంకల్పం ఉందని భావిస్తున్నట్లు పేర్కొన్నారు.
సర్జరీ తర్వాత ఆరు నెలల విశ్రాంతి!
తన ఆరోగ్య పరిస్థితి గురించి కూడా రేణూ దేశాయ్ ఆసక్తికర విషయాలు వెల్లడించారు. గత ఏడాది తనకు Surgery జరిగిందని, దాని తర్వాత దాదాపు ఆరు నెలల పాటు పూర్తి విశ్రాంతి తీసుకున్నానని చెప్పారు. ఆ సమయంలో ఆహార నియమాలను కచ్చితంగా పాటించినట్లు తెలిపారు. ముఖ్యంగా కిచిడీ, పెసరపప్పు, సొరకాయ వంటి తేలికపాటి ఆహారాన్నే తీసుకున్నానని వివరించారు. ఈ Diet, తగినంత Rest కారణంగా శరీరంలో వాపు తగ్గిందని, ప్రస్తుతం మరింత ఫ్రెష్గా కనిపిస్తున్నానని తన అనుభవాన్ని పంచుకున్నారు. సోషల్ మీడియాలో కనిపించే తనకు, నటిగా వెండితెరపై కనిపించే తనకు మధ్య తేడా ఉంటుందని, మళ్లీ ప్రేక్షకుల ముందుకు రావడం ఆనందంగా ఉందని చెప్పారు.
‘ఓం’తో కొత్త ఇన్నింగ్స్!
మమ్ముట్టి, ధనుష్, సాయి పల్లవి, శ్రీలీల వంటి ప్రముఖ నటీనటులు భాగమైన ‘ఓం’ చిత్రంపై ఇప్పటికే ఆసక్తి నెలకొంది. ఆంధ్రప్రదేశ్లోని ఎర్రచందనం స్మగ్లింగ్ నేపథ్యంలో సాగే ఈ కథలో Crime, Espionage, Actionతో పాటు Emotional Elements కూడా కీలకంగా ఉండనున్నాయి. ఇలాంటి భారీ తారాగణం ఉన్న సినిమాలో రేణూ దేశాయ్ కనిపించనుండటం ఆమె అభిమానుల్లో ఆసక్తిని పెంచుతోంది. చాలా కాలం తర్వాత ఆమె వెండితెరపై ఎలాంటి నటనతో ఆకట్టుకుంటారో చూడాలి.