అక్వాన్ అలజడి.. తీర ప్రాంతాలకు రెడ్ అలర్ట్

20-11-2026 | 10:33am

బంగాళాఖాతంలో ఏర్పడిన తీవ్ర తుఫాన్‌ అక్వాన్ (Cyclone Akvan) ఉత్తరాంధ్ర, దక్షిణ ఒడిశా తీరాల వైపు దూసుకొస్తోంది. ఈరోజు (నవంబర్ 20) ఒడిశాలోని గోపాల్‌పూర్‌ (Gopalpur) సమీపంలో తీరం దాటే ప్రక్రియ ప్రారంభమయ్యే అవకాశం ఉందని వాతావరణ శాఖ (IMD) వెల్లడించింది. తుఫాన్‌ ప్రభావంతో గంటకు 110 కిలోమీటర్ల వేగంతో ఈదురుగాలులు వీచే అవకాశం ఉందని తొలుత అంచనా వేసింది. ప్రస్తుతం తుఫాన్‌ బలహీనపడి గాలుల వేగం తగ్గినట్లు తాజా బులెటిన్‌ (Weather Bulletin) వెల్లడించింది. శ్రీకాకుళం, విజయనగరం జిల్లాలకు రెడ్ అలర్ట్ (Red Alert) జారీ చేసింది. పార్వతీపురం మన్యం, అల్లూరి సీతారామరాజు, అనకాపల్లి జిల్లాలకు ఆరెంజ్ అలర్ట్ ప్రకటించింది. ప్రజలు అప్రమత్తంగా ఉండాలని అధికారులు సూచించారు. 

గమనిక: తాజా ఐఎండీ బులెటిన్ ప్రకారం తుఫాన్‌ తీరం దాటే ప్రక్రియ ప్రారంభమైంది. గరిష్ఠంగా గంటకు 70-80 కి.మీ. వేగంతో గాలులు, 90 కి.మీ. వేగంతో ఈదురుగాలులు వీచే అవకాశం ఉంది. 


మరిన్ని వార్తలు