బరువు తగ్గేందుకు కొత్త ట్రిక్ వైరల్ ?

తాయ్ చి వాకింగ్ అంటే ఏమిటి?(Tai Chi Walking) సోషల్ మీడియాలో ఇప్పుడు ఈ పేరు తెగ వైరల్ అవుతోంది. సాధారణంగా నడక అంటే వేగంగా అడుగులు వేయడం, కానీ తాయ్ చి వాకింగ్ మాత్రం నడకలో నెమ్మదైన, నియంత్రిత కదలికలు, శరీర సమతుల్యత, శ్వాసపై దృష్టిని కలిపే విధానం. చూడటానికి సింపుల్‌గా ఉన్నా.. బాడీని కంట్రోల్ చేస్తూ చేసే ఈ వాకింగ్‌పై ఫిట్‌నెస్ ప్రియుల్లో ఆసక్తి పెరుగుతోంది.

అయితే ఇక్కడే అసలు ప్రశ్న.. తాయ్ చి వాకింగ్ చేస్తే నిజంగానే బరువు తగ్గుతుందా?  

బరువు తగ్గడానికి ప్రధానంగా శరీరం ఖర్చు చేసే కేలరీలు, తీసుకునే కేలరీలు, రోజువారీ శారీరక చురుకుదనం, ఆహారపు అలవాట్లు కీలకం. తాయ్ చి తరహా తక్కువ-తీవ్రత వ్యాయామం శారీరక చలనం పెంచడంలో సహాయపడొచ్చు. అయితే దీనినే ఒక్కటే నమ్ముకుని వేగంగా బరువు తగ్గిపోతుందని చెప్పడానికి బలమైన ఆధారం లేదు. అయితే దీని వల్ల వచ్చే మరో ప్రయోజనం ఫిట్‌నెస్‌కు(Tai Chi Walking benefits) క్రమం తప్పకుండా కదలికను అలవాటుగా మార్చుకోవడం. నెమ్మదైన కదలికలు, బ్యాలెన్స్, శరీర నియంత్రణపై దృష్టి పెట్టడం వల్ల సాధారణ నడకకు భిన్నమైన అనుభూతి కలగొచ్చు. 

ముఖ్యంగా ఎక్కువసేపు కూర్చునే జీవనశైలి ఉన్నవారికి.. రోజులో కొంత సమయం నడక లేదా తేలికపాటి శారీరక కార్యకలాపాలకు కేటాయించడం ఉపయోగకరంగా ఉంటుంది. అయితే బరువు తగ్గడమే లక్ష్యమైతే సమతుల్య ఆహారం + క్రమమైన శారీరక శ్రమ + తగిన నిద్ర వంటి అంశాలను కలిపి చూడాలి. అంటే.. తాయ్ చి వాకింగ్ ఒక మ్యాజిక్ వెయిట్ లాస్ ట్రిక్ కాదు. కానీ క్రమం తప్పకుండా శారీరకంగా యాక్టివ్‌గా ఉండేందుకు ఉపయోగపడే మరో విధానంగా చూడొచ్చు. వైరల్ ట్రెండ్ కాబట్టి వెంటనే ఫలితం వస్తుందని కాకుండా.. మీ శరీరానికి సరిపోయే వ్యాయామాన్ని ఎంచుకోవడమే ముఖ్యం.