వాల్టా చట్టం బేఖాతరు.. రామేశ్వరం బండలో బోర్ల బాగోతం

పటాన్ చెరు, నవంబర్ 14: ఒకవైపు ఎల్‌నినో ప్రభావంతో భూగర్భ జలాల పరిరక్షణకు ప్రభుత్వం బోర్ల తవ్వకాలపై నిషేధం విధిస్తుండగా.. మరోవైపు ఇంద్రేశం మున్సిపాలిటీ పరిధిలోని రామేశ్వరం బండలో వాల్టా చట్టం (WALTA Act) ఉల్లంఘనలు జరుగుతున్నాయనే ఆరోపణలు వెల్లువెత్తుతున్నాయి. ప్రభుత్వ నిషేధాన్ని (Government Ban) బేఖాతరు చేస్తూ రాత్రింబవళ్లు అక్రమ బోర్ల తవ్వకాలు (Illegal Borewell Drilling) సాగుతున్నాయని స్థానికులు ఆగ్రహం వ్యక్తం చేస్తున్నారు.

బోర్ల తవ్వకాలు యథేచ్ఛగా సాగుతున్నా రెవెన్యూ శాఖ (Revenue Department) అధికారులు పట్టించుకోవడం లేదని మండిపడుతున్నారు. అధికారుల నిర్లక్ష్యం కొనసాగితే భూగర్భ జలాలు మరింత అడుగంటిపోయే ప్రమాదం ఉందని ఆందోళన చెందుతున్నారు. ఇప్పటికైనా ఉన్నతాధికారులు స్పందించి అక్రమ తవ్వకాలను అరికట్టాలని స్థానికులు కోరుతున్నారు.