15 ఏళ్లకే ప్రపంచ రికార్డు
టీ20 క్రికెట్‌లో సరికొత్త సంచలనం.. అతి పిన్న వయసులో కెప్టెన్!
భారత యువ క్రికెట్ సంచలనం వైభవ్ సోర్యవంశీ మరో అరుదైన ఘనత సాధించాడు. కేవలం 15 ఏళ్ల వయసులోనే పురుషుల T20 Cricket Historyలో అత్యంత పిన్న వయసు కెప్టెన్‌గా ప్రపంచ రికార్డు సృష్టించాడు. శనివారం ఇండోర్‌లోని హోల్కర్ స్టేడియంలో సౌరాష్ట్రతో జరిగిన Syed Mushtaq Ali Trophy 2026-27 తొలి మ్యాచ్‌లో బిహార్ జట్టుకు నాయకత్వం వహించాడు. ఈ క్రమంలో 15 ఏళ్ల 232 రోజుల వయసులోనే టీ20 కెప్టెన్‌గా బరిలోకి దిగిన ఆటగాడిగా చరిత్రకెక్కాడు.
ఇప్పటివరకు ఈ రికార్డు క్రొయేషియాకు చెందిన జాక్ వుకుసిక్ పేరిట ఉండేది. అతడు 17 ఏళ్ల 311 రోజుల వయసులో తన జాతీయ జట్టుకు కెప్టెన్‌గా వ్యవహరించాడు. ఇప్పుడు ఆ రికార్డును వైభవ్ అధిగమించి Youngest T20 Captainగా నిలిచాడు. చిన్న వయసులోనే అంతర్జాతీయ స్థాయిలో గుర్తింపు తెచ్చుకున్న ఈ యువ ఆటగాడి కెరీర్‌లో ఇది మరో కీలక మైలురాయి. అయితే కెప్టెన్‌గా తొలి మ్యాచ్‌లో వైభవ్ బ్యాట్‌తో పెద్దగా ప్రభావం చూపలేకపోయాడు. టాస్ గెలిచి ముందుగా బ్యాటింగ్ ఎంచుకున్న బిహార్ తరఫున 12 బంతుల్లో 18 పరుగులు చేసి వెనుదిరిగాడు. సౌరాష్ట్ర ఎడమచేతి వాటం పేసర్ చేతన్ సకారియా బౌలింగ్‌లో క్యాచ్ అండ్ బౌల్డ్‌గా ఔటయ్యాడు. అయినప్పటికీ, అతడి కెప్టెన్సీ అరంగేట్రం మాత్రం చరిత్రలో నిలిచిపోయింది.
వైభవ్‌కు ఈ టోర్నీలో బిహార్ తరఫున ఎక్కువ మ్యాచ్‌లు ఆడే అవకాశం లేదు. సౌరాష్ట్రతో మ్యాచ్ తర్వాత మరో మ్యాచ్ ఆడి, నవంబర్ 19 నుంచి దోహాలో ప్రారంభం కానున్న ACC Rising Stars Emerging Tournament కోసం ఇండియా A జట్టుతో చేరనున్నాడు. ఈ పోటీ 50 ఓవర్ల ఫార్మాట్‌లో జరగనుంది. ఇటీవల న్యూజిలాండ్ పర్యటనలోనూ వైభవ్ తన సత్తా చాటాడు. భారత్ తరఫున రెండు T20I మ్యాచ్‌లు ఆడిన అతడు, ఒక మ్యాచ్‌లో కేవలం 19 బంతుల్లోనే 45 పరుగులు చేశాడు. అభిషేక్ శర్మతో కలిసి కేవలం 7.1 ఓవర్లలో 133 పరుగుల ఓపెనింగ్ భాగస్వామ్యాన్ని నెలకొల్పాడు. ఈ సిరీస్‌ను భారత్ 3-2తో కైవసం చేసుకుంది.
బిహార్ తరఫున ఇది వైభవ్ ఆడిన ఎనిమిదో T20 మ్యాచ్ కాగా, IPLలో రాజస్థాన్ రాయల్స్ తరఫున ఆడిన 23 మ్యాచ్‌లతో కలిపి అతడి మొత్తం టీ20 మ్యాచ్‌ల సంఖ్య 44కు చేరింది. గత ఏడాది ACC Rising Stars టోర్నీలో ఇండియా A తరఫున UAEపై కేవలం 42 బంతుల్లో 144 పరుగులు చేసి సంచలనం సృష్టించాడు. ఆ ఇన్నింగ్స్‌తో T20 క్రికెట్‌లో అత్యంత వేగంగా సెంచరీలు చేసిన భారత బ్యాటర్ల జాబితాలో సంయుక్తంగా మూడో స్థానాన్ని దక్కించుకున్నాడు. ఇలా ప్రతి అడుగులోనూ కొత్త రికార్డులు సృష్టిస్తున్న వైభవ్‌పై ఇప్పుడు క్రికెట్ ప్రపంచం దృష్టి నిలిచింది.
