కండక్టర్‌ కాలు మీదుగా వెళ్లిన బస్సు చక్రాలు

భద్రాద్రి కొత్తగూడెం జిల్లా, అశ్వాపురం, అక్టోబర్ 25 (విజయ క్రాంతి): ఆర్టీసీ పల్లె వెలుగు బస్సు వెనుక చక్రాల కింద పడి మహిళా కండక్టర్ తీవ్రంగా గాయపడిన ఘటన ఆదివారం మిట్టగూడెం సమీపంలో చోటుచేసుకుంది.

మణుగూరు డిపోకు చెందిన బస్సు భద్రాచలం వెళ్తుండగా మిట్టగూడెం సమీపంలో కండక్టర్ ప్రమాదవశాత్తు ఫుట్‌బోర్డు (Footboard) నుంచి కిందపడింది. ఈ క్రమంలో బస్సు వెనుక చక్రాలు ఆమె కాలిపై నుంచి వెళ్లడంతో తీవ్ర గాయాలయ్యాయి.

ప్రమాదాన్ని గమనించిన స్థానికులు వెంటనే స్పందించి క్షతగాత్రురాలిని 108 అంబులెన్స్‌ (108 Ambulance)లో భద్రాచలం ఆసుపత్రికి తరలించారు. ఆమెకు వైద్య చికిత్స అందిస్తున్నారు. ఈ ప్రమాదానికి గల పూర్తి కారణాలు తెలియాల్సి ఉంది.