కొత్త కార్యవర్గం.. కొత్త సంకల్పం
సదాశివనగర్, అక్టోబర్ 11 (విజయక్రాంతి): బీసీ, ఎస్సీ, ఎస్టీ ఐక్య వేదిక సదాశివపేట నూతన కార్యవర్గం(New Executive Committee) ఎన్నిక ఏకగ్రీవంగా జరిగింది. ఈ సందర్భంగా నిర్వహించిన సమావేశంలో నూతన కార్యవర్గాన్ని ఎన్నుకున్నారు. ఐక్య వేదిక అధ్యక్షుడిగా మగ్గిడి దేవదాస్, ఉపాధ్యక్షులుగా జన్న బాలరాజు, కుప్పయ్య, శెట్టి ఇంద్ర బహదూర్, మర్రి దత్తాత్రేయులు, ప్రధాన కార్యదర్శిగా బడుగుల నాగరాజు, కోశాధికారిగా సందం రమేష్, కార్యదర్శిగా పొలబోయిన నరేష్ ఎన్నికయ్యారు. ఆర్గనైజింగ్ టీమ్(Organizing Team) సభ్యుడిగా కూడా పొలబోయిన నరేష్ ఎన్నికైనట్లు తెలిపారు.
ఈ సందర్భంగా నూతన అధ్యక్షుడు మగ్గిడి దేవదాస్ మాట్లాడుతూ బీసీ, ఎస్సీ, ఎస్టీ వర్గాల ఐక్యత(Unity) కోసం, అణగారిన వర్గాల అభ్యున్నతి కోసం కృషి చేస్తామని అన్నారు. సామాజిక సమానత్వం(Social Equality), హక్కుల పరిరక్షణ, ఆయా వర్గాల అభివృద్ధికి ఐక్య వేదిక తరఫున కృషి చేస్తామని పేర్కొన్నారు.
