ఘనంగా 73వ సహకార వారోత్సవాలు
ఆసిఫాబాద్, నవంబర్ 14 (విజయక్రాంతి): ఆసిఫాబాద్ ప్రాథమిక వ్యవసాయ సహకార సంఘం లిమిటెడ్ ఆధ్వర్యంలో 73వ సహకార వారోత్సవాలను (Cooperative Week Celebrations) పురస్కరించుకుని శనివారం పతాకావిష్కరణ కార్యక్రమం నిర్వహించారు. సంఘం అధ్యక్షుడు అలీ బిన్ అహ్మద్ జెండాను ఆవిష్కరించారు.
ఈ సందర్భంగా సహకార రంగం (Cooperative Sector) అభివృద్ధిలో రైతులు, సహకార సంఘాల పాత్రను గుర్తు చేసుకున్నారు. రైతుల అభ్యున్నతికి సహకార సంఘాలు అందిస్తున్న సేవలను వివరించారు. సహకార వ్యవస్థ (Cooperative Movement) మరింత బలోపేతం కావడానికి ప్రతి ఒక్కరూ కృషి చేయాలని ఆకాంక్షించారు.
ఈ కార్యక్రమంలో ఆసిఫాబాద్ మున్సిపల్ చైర్మన్ ఆకాష్, వైస్ చైర్మన్ హైమద్, అడ్వకేట్స్ అధ్యక్షుడు రాపర్తి రవి, సహకార సంఘం వైస్ చైర్మన్ రూకం ప్రహ్లాద్, సంఘం డైరెక్టర్లు విజయలక్ష్మి, దుర్గం దావు, జావిద్, బ్యాంకు మేనేజర్ వెంకట రవీందర్, కోట తిరుపతి, సంఘం కార్యదర్శి వెంకటరమణ, సిబ్బంది, రైతులు తదితరులు పాల్గొన్నారు.
