సోమశిల మందుపాతర ఘటనకు 33 ఏళ్లు

నాగర్‌కర్నూల్ (విజయక్రాంతి): సోమశిల మందుపాతర పేలుడు ఘటనలో ప్రాణాలర్పించిన పోలీసు అమరవీరుల త్యాగాలు చిరస్మరణీయమని అదనపు ఎస్పీ ఎన్. వెంకటేశ్వర్లు అన్నారు. 1993 నవంబర్ 14న శుద్ధగట్టు మలుపు వద్ద మావోయిస్టులు అమర్చిన మందుపాతర పేలడంతో అప్పటి ఉమ్మడి మహబూబ్‌నగర్ జిల్లా ఎస్పీ పరదేశి నాయుడుతో పాటు పలువురు పోలీసు సిబ్బంది ప్రాణాలు కోల్పోయారు.

ఈ ఘటనకు 33 ఏళ్లు పూర్తయిన సందర్భంగా జిల్లా పోలీసు కార్యాలయంలో అమరవీరుల చిత్రపటాలకు పూలమాలలు వేసి ఘనంగా నివాళులర్పించారు. వారి త్యాగాలను (Police Martyrs) స్ఫూర్తిగా తీసుకుని పోలీసులు ధైర్యసాహసాలతో విధులు నిర్వహించాలని వెంకటేశ్వర్లు పిలుపునిచ్చారు.

ప్రజల రక్షణ కోసం ప్రాణాలర్పించిన పోలీసు అమరవీరుల సేవలను (Supreme Sacrifice) ఎప్పటికీ మరువకూడదని పేర్కొన్నారు. ఈ కార్యక్రమంలో పోలీసు అధికారులు, సిబ్బంది పాల్గొన్నారు