పాక్ పరుగుల సునామీ.. భారత్ ముందు భారీ టార్గెట్

U19 ఆసియా కప్ ఫైనల్లో పాక్ భారీ స్కోర్.. భారత్ ముందు 338 పరుగుల లక్ష్యం!

అండర్-19 ఆసియా కప్ ఫైనల్లో పాకిస్థాన్ బ్యాటర్లు భారత బౌలర్లకు గట్టి సవాల్ విసిరారు. తొలుత బ్యాటింగ్ చేసిన పాక్ నిర్ణీత 50 ఓవర్లలో 9 వికెట్ల నష్టానికి 337 పరుగులు సాధించింది. ఓపెనర్ ఉస్మాన్ ఖాన్ అద్భుత సెంచరీతో చెలరేగగా, ఫర్హాన్ యూసఫ్ కూడా హాఫ్ సెంచరీతో రాణించాడు. దీంతో టైటిల్ పోరులో భారత్ ముందు 338 పరుగుల భారీ Target నిలిచింది. పాకిస్థాన్ ఇన్నింగ్స్‌కు ఉస్మాన్ ఖాన్ అదిరిపోయే ఆరంభం ఇచ్చాడు. 111 బంతుల్లో 107 పరుగులు సాధించి తన బ్యాటింగ్ సత్తా చాటాడు. ఈ టోర్నీలో అతడికి ఇది రెండో సెంచరీ కావడం విశేషం. మరోవైపు ఫర్హాన్ యూసఫ్ 60 బంతుల్లో 63 పరుగులు చేశాడు. వీరిద్దరూ కీలక భాగస్వామ్యంతో భారత బౌలర్లపై ఒత్తిడి పెంచారు. పాక్‌ను 350 పరుగుల దిశగా తీసుకెళ్లేలా కనిపించారు.

అయితే కీలక సమయంలో భారత బౌలర్ చిగురుపాటి వెంకట రంగంలోకి దిగాడు. వరుసగా మూడు వికెట్లు పడగొట్టి పాకిస్థాన్ పరుగుల వేగానికి బ్రేకులు వేశాడు. దీంతో భారీ స్కోర్ దిశగా సాగుతున్న పాక్ ఇన్నింగ్స్ కొంత నెమ్మదించింది. చివరి ఓవర్లో కావ్య పటేల్ మరోసారి సత్తా చాటాడు. రెండు వికెట్లు పడగొట్టి ప్రత్యర్థిని మరింతగా కట్టడి చేశాడు.

చివరి ఓవర్లో కావ్య పటేల్ అద్భుతమైన Yorkerతో నిఖాబ్ షఫీక్‌ను బౌల్డ్ చేయగా, మహమ్మద్ సయ్యమ్ రనౌట్‌గా వెనుదిరిగాడు. భారత బౌలర్లు చివరి దశలో పుంజుకోవడంతో పాకిస్థాన్ 337 పరుగులకే పరిమితమైంది. ఇప్పుడు ఈ ఉత్కంఠభరితమైన U19 Asia Cup Finalలో భారత్ 338 పరుగుల లక్ష్యాన్ని ఛేదించి ట్రోఫీని అందుకుంటుందా అన్నది ఆసక్తికరంగా మారింది.