ఉక్కు మహిళకు నివాళి

19-11-2026 | 12:41pm

మహబూబాబాద్ (విజయక్రాంతి): భారత తొలి మహిళా ప్రధానమంత్రి, ఉక్కు మహిళ దివంగత ఇందిరా గాంధీ జయంతి వేడుకలను గురువారం మహబూబాబాద్ జిల్లా కేంద్రంలో కాంగ్రెస్ పార్టీ ఆధ్వర్యంలో ఘనంగా నిర్వహించారు. ఈ సందర్భంగా జిల్లా కాంగ్రెస్ కమిటీ అధ్యక్షురాలు డాక్టర్ ఉమా మురళి నాయక్ ఇందిరా గాంధీ విగ్రహానికి పూలమాల వేసి నివాళులర్పించారు.

అనంతరం ఆమె మాట్లాడుతూ.. దేశ సమగ్రత, పేదల అభ్యున్నతి కోసం ఇందిరా గాంధీ (Indira Gandhi) చేసిన సేవలు చిరస్మరణీయమని కొనియాడారు. దేశ ఐక్యత (National Unity), అభివృద్ధి, పేదల సంక్షేమం కోసం ఆమె చేసిన కృషి ఆదర్శనీయమన్నారు. ఇందిరా గాంధీ ఆశయాల సాధనకు ప్రతి కాంగ్రెస్ కార్యకర్త (Congress Worker) కృషి చేయాలని పిలుపునిచ్చారు.

ఈ కార్యక్రమంలో మున్సిపల్ చైర్‌పర్సన్ జ్యోతి రమేష్, జిల్లా మహిళా కాంగ్రెస్ అధ్యక్షురాలు, మున్సిపల్ కౌన్సిలర్లు, కాంగ్రెస్ నాయకులు పాల్గొన్నారు.

మరిన్ని వార్తలు