వసతి గృహాల్లో సమస్యల తిష్ట.. కలెక్టర్కు టీఎన్జీవోల వినతి
మంచిర్యాల (విజయక్రాంతి): ఎస్సీ, ఎస్టీ, బీసీ సంక్షేమ వసతి గృహాల్లో పేరుకుపోయిన సమస్యలను తక్షణమే పరిష్కరించాలని టీఎన్జీవో మంచిర్యాల జిల్లా అధ్యక్షుడు గడియారం శ్రీహరి అధికారులను డిమాండ్ చేశారు. ఈ మేరకు జిల్లా కలెక్టర్ కుమార్ దీపక్ను కలిసి వినతిపత్రం (Representation) సమర్పించారు.
వసతి గృహాలకు నిత్యావసర సరుకుల (Essential Commodities) సరఫరాలో ఎదురవుతున్న ఇబ్బందులతో పాటు ఇతర సమస్యలను కలెక్టర్ దృష్టికి తీసుకెళ్లారు. విద్యార్థుల సంక్షేమం (Student Welfare) విషయంలో అధికారులు నిర్లక్ష్యంగా వ్యవహరించకుండా, వసతి గృహాల్లోని సమస్యలను యుద్ధప్రాతిపదికన పరిష్కరించాలని కోరారు. విద్యార్థులకు మెరుగైన వసతులు, నాణ్యమైన సరుకుల సరఫరా (Quality Supplies) అందేలా తక్షణ చర్యలు తీసుకోవాలని విజ్ఞప్తి చేశారు.
ఈ కార్యక్రమంలో టీఎన్జీవో వసతి గృహ సంక్షేమ అధికారుల సంఘం మంచిర్యాల జిల్లా అధ్యక్షుడు మోసిన్, కార్యదర్శి శ్రీనివాస్ తదితరులు పాల్గొన్నారు.