ఓటీటీలోకి 'రణబాలి'
ఫ్యాన్స్‌కు గుడ్ న్యూస్! పెళ్లి తర్వాత తొలి సినిమా.. ఓటీటీలో సందడి!
టాలీవుడ్‌లో క్రేజీ కాంబినేషన్‌గా పేరున్న విజయ్ దేవరకొండ, రష్మిక మందన్న జంట మరోసారి ప్రేక్షకులను అలరించేందుకు సిద్ధమైంది. వీరిద్దరూ ప్రధాన పాత్రల్లో నటించిన ‘రణబాలి’ (Ranabaali) సినిమా ఇప్పుడు డిజిటల్ స్క్రీన్‌పైకి వచ్చేసింది. థియేటర్లలో విడుదలైన నాలుగు వారాలకే ప్రముఖ OTT ప్లాట్‌ఫామ్ Netflixలో స్ట్రీమింగ్ ప్రారంభమైంది. తెలుగు సహా మొత్తం ఐదు భారతీయ భాషల్లో ఈ మూవీ అందుబాటులోకి వచ్చింది.
వెండితెరపై విజయ్–రష్మిక కెమిస్ట్రీని చూసిన అభిమానులు ఇప్పుడు ఇంట్లోనే ఈ సినిమాను వీక్షించే అవకాశం దక్కించుకున్నారు. ముఖ్యంగా వీరిద్దరి వ్యక్తిగత జీవితంపై అభిమానుల్లో ఉన్న ఆసక్తి నేపథ్యంలో ‘రణబాలి’కి ప్రత్యేక క్రేజ్ ఏర్పడింది. థియేటర్లలో మొదట కొంత నెమ్మదిగా సాగిన సినిమా.. ఆ తర్వాత ప్రేక్షకుల ఆదరణ పొందిందని చిత్ర వర్గాలు చెబుతున్నాయి. ఇప్పుడు OTT Release తర్వాత డిజిటల్ ఆడియన్స్ నుంచి ఎలాంటి స్పందన వస్తుందన్నది ఆసక్తికరంగా మారింది.
ఈ చిత్రానికి రాహుల్ సంకృత్యన్ దర్శకత్వం వహించారు. విజయ్ దేవరకొండ, రష్మిక మందన్న ప్రధాన పాత్రల్లో నటించగా.. ఆర్నాల్డ్ వోస్లూ, ఈశ్వరీ రావు, లాల్, వినోద్ సాగర్, మధు నందన్, కిషోర్ కుమార్ పొలిమేర తదితరులు కీలక పాత్రలు పోషించారు. అజయ్–అతుల్ సంగీతం అందించగా, మైత్రీ మూవీ మేకర్స్ నిర్మించింది. థియేటర్లలో మిస్ అయినవారు ఇప్పుడు Netflixలో ‘రణబాలి’ని చూసేయొచ్చు.
