భారత్‌కు రికార్డు స్థాయిలో రెమిటెన్సులు

విదేశాల్లో స్థిరపడిన భారతీయులు స్వదేశానికి పంపే రెమిటెన్సు(Remittance)ల్లో భారత్ ప్రపంచంలోనే అగ్రస్థానంలో నిలిచింది. గతేడాది భారత్‌కు 151 బిలియన్ డాలర్ల రెమిటెన్సులు వచ్చినట్లు ఐక్యరాజ్యసమితికి చెందిన ఐఎఫ్ఏడీ నివేదిక వెల్లడించింది. 2016లో 63 బిలియన్ డాలర్లుగా ఉన్న ఈ మొత్తం పదేళ్లలో రెండున్నర రెట్లు పెరిగింది. ఆధార్, యూపీఐ వంటి బలమైన డిజిటల్ చెల్లింపు వ్యవస్థలు ఈ వృద్ధికి దోహదపడ్డాయని ఐఎఫ్ఏడీ పేర్కొంది. కుటుంబాల అవసరాలు, ఆర్థిక వృద్ధికి రెమిటెన్సులు కీలకంగా మారాయని తెలిపింది. అయితే గల్ఫ్ దేశాలపై అధిక ఆధారపడటం అవకాశంతో పాటు సవాలు కూడా అని హెచ్చరించింది.