కలకత్తా డాక్టర్ రేప్ మర్డర్ నేపథ్యంలో..

మలయాళ స్టార్ హీరోయిన్ భావన ప్రధాన పాత్రలో నటించిన మలయాళ చిత్రం ‘హంట్’. తెలుగులో ‘డాక్టర్ కీర్తి ఎంబీబీఎస్ ఎంఎస్’ అనే పేరుతో అనువాదమవుతోంది. దర్శకుడు షాజీ కైలాస్.. సంచలన ఘటన కలకత్తా డాక్టర్ రేప్ మర్డర్ నేపథ్యంగా తెరకెక్కించిన ఈ సినిమా మలయాళంలో ప్రేక్షకాదరణ పొందింది. ఈ చిత్రాన్ని స్వర్ణ క్రియేషన్స్ తెలుగు రాష్ట్రాల్లో మే 8న రిలీజ్ చేస్తున్నారు. ఈ చిత్ర టీజర్ రిలీజ్ ఈవెంట్‌ను హైదరాబాద్‌లో నిర్వహించగా, నటి కవిత, నిర్మాతలు స్వర్ణకుమారి దొండపాటి, ఎం విశ్వనాథరెడ్డి, లయన్ సాయివెంకట్, లీగల్ అడ్వొకేట్ ప్రభాకర్ పాల్గొన్నారు. ఈ చిత్రానికి సంగీతం: కైలాస్ మీనన్; సినిమాటోగ్రఫీ: జాక్సన్ జాన్సన్; ఎడిటింగ్: అజాస్ పుక్కడన్.