మరో అరుదైన మైలురాయిని చేరుకున్న మోదీ

న్యూఢిల్లీ: దేశంలో ఎన్నికైన ప్రభుత్వానికి అత్యధిక కాలం అధిపతిగా వ్యవహరించిన వ్యక్తిగా నిలిచిన ప్రధానమంత్రి నరేంద్ర మోదీ భారత రాజకీయాల్లో ఒక చారిత్రక మైలురాయిని సాధించారు. దీనితో సిక్కిం ముఖ్యమంత్రిగా 8,930 రోజుల పాటు పదవిలో కొనసాగిన పవన్ కుమార్ చామ్లింగ్‌ను ప్రధాని మోదీ అధిగమించారు. గుజరాత్ ముఖ్యమంత్రిగా, ప్రధానమంత్రిగా తన పదవీకాలాలను కలిపి చూస్తే, ఆయన ఇప్పుడు ప్రభుత్వ అధినేతగా 8,931 రోజులను పూర్తి చేసుకొని నాయకత్వ పాత్రలో తన 25వ సంవత్సరంలోకి అడుగుపెట్టారు.

దశాబ్దాల నిరంతర ప్రజా సేవను, అత్యున్నత స్థాయి రాజకీయ నాయకత్వాన్ని ప్రతిబింబించే ఒక అరుదైన విజయంగా ఈ మైలురాయి పరిగణించబడుతోందని, తన కెరీర్ మొత్తంలో ప్రధాని మోదీ అనేక విశేషమైన రికార్డులను నెలకొల్పారు. గుజరాత్‌కు అత్యధిక కాలం ముఖ్యమంత్రిగా వ్యవహరించడం, అలాగే ముఖ్యమంత్రిగా అత్యధిక పూర్వ అనుభవం కలిగిన ప్రధానమంత్రిగా నిలవడం వీటిలో ముఖ్యమైనవి.  స్వాతంత్ర్యం అనంతరం జన్మించిన భారతదేశపు మొట్టమొదటి ప్రధానమంత్రి ఆయనే. అంతేకాక, 2014, 2019, 2024లలో వరుసగా మూడు లోక్‌సభ ఎన్నికలలో విజయం సాధించడం తన రాజకీయ దీర్ఘకాలికతను, ప్రజల నిరంతర మద్దతును మోదీ చాటిచెప్పారు.

నరేంద్ర మోదీ అక్టోబర్ 7, 2001న గుజరాత్ ముఖ్యమంత్రిగా తొలిసారి బాధ్యతలు స్వీకరించి, మే 21, 2014 వరకు ఆ పదవిలో కొనసాగారు. జాతీయ రాజకీయాల్లోకి ప్రవేశించడానికి ముందు, ఆయన 13 సంవత్సరాలకు పైగా ఆ రాష్ట్రాన్ని నడిపించారు. 2014 మే 26న, ఆయన భారతదేశ 14వ ప్రధానమంత్రిగా ప్రమాణ స్వీకారం చేశారు. తద్వారా లోక్‌సభలో సంపూర్ణ మెజారిటీ సాధించిన తొలి కాంగ్రేసేతర నాయకుడిగా నిలిచారు. ఆ తదనంతరం, రెండు పూర్తి పదవీకాలాలను పూర్తి చేసి, వరుసగా మూడవసారి పదవిని చేపట్టిన తొలి కాంగ్రేసేతర ప్రధానమంత్రిగా ఆయన చరిత్ర సృష్టించారు. ఈ మైలురాయితో పాటు ప్రధాని మోదీ ఈ ఏడాది ముఖ్యంగా డిజిటల్ రంగంలో మరికొన్ని కీలకమైన మైలురాళ్లను అధిగమించారు.