రూపాయి విలువ పెరిగిందోచ్
ప్రారంభ ట్రేడింగ్లో అమెరికా డాలర్తో పోలిస్తే 16 పైసలు పెరిగిన రూపాయి విలువ
ముంబై: వరసగా నష్టపోతున్న రూపాయి విలువ పైకి ఎగిసింది. దేశీయ ఈక్విటీ మార్కెట్లలో కొనుగోళ్ల ధోరణి, విదేశాలలో ముడి చమురు ధరలు తగ్గడంతో రెండు నెలలకు పైగా కనిష్ట స్థాయిల నుండి రూపాయి(Rupee rises) కోలుకుంది. శుక్రవారం ఉదయం ట్రేడింగ్లో అమెరికన్ డాలర్తో(US dollar) పోలిస్తే 16 పైసలు లాభపడి 95.73కి చేరింది. ఈ వారం ప్రారంభంలో భారీగా పెరిగిన ముడి చమురు ధరలు బ్యారెల్కు 104 డాలర్ల స్థాయి కంటే దిగువకు పడిపోవడం భారత కరెన్సీపై ఒత్తిడిని తగ్గించిందని ఫారెక్స్ విశ్లేషకులు తెలిపారు.
అదే సమయంలో, యూఎస్ ఫెడరల్ రిజర్వ్ వడ్డీ(US Federal Reserve interest rates) రేట్లను 25 బేసిస్ పాయింట్లు పెంచడంతో యూఎస్ బాండ్ ఈల్డ్స్ రికార్డు స్థాయిల నుండి పడిపోయాయి. అంతర్బ్యాంక్ విదేశీ మారకపు మార్కెట్లో, రూపాయి 95.75 వద్ద ప్రారంభమై, ప్రారంభ లావాదేవీలలో డాలర్తో పోలిస్తే స్వల్పంగా బలపడి 95.73 వద్ద ట్రేడైంది. ఇది దాని మునుపటి ముగింపు స్థాయి కంటే 16 పైసలు ఎక్కువగా ఉంది. అటు తగ్గుతున్న ముడి చమురు ధరలు, ప్రపంచ ఈక్విటీల ర్యాలీ నేపథ్యంలో స్టాక్ మార్కెట్లు(Stock markets) లాభాలతో ట్రేడవుతున్నాయి.
