సోనియా గాంధీకి కోర్టు నోటీసులు 

న్యూఢిల్లీ: కాంగ్రెస్ పార్టీ మాజీ అధ్యక్షురాలు, రాజ్యసభ ఎంపీ సోనియా గాంధీపై(Sonia Gandhi) కేసు నమోదు చేయాలని కోరుతూ దాఖలైన పిటిషన్‌పై రౌస్ అవెన్యూ కోర్టు(Rouse Avenue Court) సోనియా గాంధీకి, ఢిల్లీ పోలీసులకు నోటీసులు జారీ చేసింది. సోనియా గాంధీపై ఎఫ్ఐఆర్ దాఖలు చేయమని ఆదేశించడానికి స్పష్టంగా నిరాకరించిన మేజిస్ట్రేట్ కోర్టు ఉత్తర్వులను ఢిల్లీకి చెందిన న్యాయవాది సవాలు చేశారు. ఆమె భారత పౌరసత్వం పొందటానికి మూడు సంవత్సరాల ముందు ఆమె పేరును ఓటరు జాబితాలో చేర్చారని పిటిషన్ ఆరోపించింది.

భారత పౌరసత్వం(Indian citizenship) లేకుండా ఆమె పేరును ఓటరు జాబితాలో చేర్చారనే ఆరోపణలకు సంబంధించిన రివిజన్ పిటిషన్‌లో ఈ నోటీసు జారీ చేయబడింది. సోనియా గాంధీ, ఢిల్లీ పోలీసుల నుండి కోర్టు సమాధానాలు కోరింది. తదుపరి విచారణ జనవరి 6, 2026న జరగనుంది. న్యాయవాది వికాస్ త్రిపాఠి(Advocate Vikas Tripathi) ఈ రివిజన్ పిటిషన్‌ను దాఖలు చేశారు. సోనియా గాంధీ పేరు 1980 ఓటర్ల జాబితాలో ఉందని, అయితే ఆమె అధికారికంగా 1983 ఏప్రిల్ 30న భారత పౌరురాలు అయ్యారని ఆరోపణలో ఉంది. ఆమె ఇంకా పౌరసత్వం పొందనప్పుడు 1980 ఓటర్ల జాబితాలో ఆమె పేరు ఎలా చేర్చబడి ఉండేదని పిటిషన్ ప్రశ్నించింది. 1982లోనే ఆమె పేరు ఓటరు జాబితా నుండి తొలగించబడిందని కూడా పిటిషన్‌లో పేర్కొంది. 1980లో ఆమె పేరును ఓటరు జాబితాలో చేర్చడానికి ఏ పత్రాలను సమర్పించారు. ఏదైనా నకిలీ, తప్పుడు పత్రాలను ఉపయోగించారా? అని కోర్టు ప్రశ్నించింది.