సీఎం సభకు కాంగ్రెస్ శ్రేణుల సమరభేరి

సిద్దిపేట రూరల్, నవంబర్ 14 (విజయక్రాంతి): ఈ నెల 19న ముఖ్యమంత్రి రేవంత్ రెడ్డి పాల్గొననున్న భారీ బహిరంగ సభను విజయవంతం చేసేందుకు సిద్దిపేట రూరల్ మండలం నుంచి 10 వేల మందితో తరలివెళ్లనున్నట్లు మండల కాంగ్రెస్ నాయకులు తెలిపారు. ఈ మేరకు శనివారం మండల కాంగ్రెస్ పార్టీ ఆధ్వర్యంలో విలేకరుల సమావేశం (Press Meet) నిర్వహించి సభకు సంబంధించిన ఏర్పాట్లను వివరించారు.

రాష్ట్ర ప్రభుత్వం ప్రతిష్టాత్మకంగా ప్రారంభిస్తున్న ఇందిరమ్మ బీమా పథకం (Indiramma Insurance Scheme), ఇందిరమ్మ చీరల పంపిణీ (Saree Distribution) కార్యక్రమాల నేపథ్యంలో ప్రజలు పెద్ద ఎత్తున సభకు తరలివచ్చి విజయవంతం చేయాలని నాయకులు పిలుపునిచ్చారు. ముఖ్యమంత్రి సభకు కాంగ్రెస్ శ్రేణులు, ప్రజలు భారీగా హాజరై ప్రభుత్వ కార్యక్రమాలకు మద్దతు తెలపాలని కోరారు.

ఈ సమావేశంలో మండల కాంగ్రెస్ అధ్యక్షుడు గుర్రం అంజిరెడ్డి, రాములు, పుల్లూరు గ్రామ శాఖ అధ్యక్షుడు పుల్లూరి కనకయ్య, ఆత్మ కమిటీ డైరెక్టర్ అంజిరెడ్డి, జిల్లా కాంగ్రెస్ కార్యదర్శి కోడారి మల్లారెడ్డి, బ్లాక్ కాంగ్రెస్ అధ్యక్షుడు రీక్కల మహేందర్ రెడ్డి, బీసీ సెల్ అధ్యక్షుడు గారిపల్లి వెంకటి, శ్రీనివాస్ రెడ్డి, బండి శివకుమార్, రమేష్, రఘుపతి, దుర్గయ్య, యాదగిరి, బాబు తదితరులు పాల్గొన్నారు.