పేరుకే సర్వసభ్య సమావేశం

జగదేవపూర్,(విజయక్రాంతి): మండల సమస్యలపై చర్చించి పరిష్కారాలు చూపాల్సిన సర్వసభ్య సమావేశం జగదేవపూర్‌లో మొక్కుబడిగా సాగింది. అధికారులు, ప్రజాప్రతినిధులు గైర్హాజరు కావడంతో హాజరైన వారు అసంతృప్తి వ్యక్తం చేశారు. మండల ప్రజా పరిషత్ కార్యాలయంలో శనివారం ప్రత్యేక అధికారి సుదర్శన్ రెడ్డి, ఎంపీడీఓ వేణుగోపాల్ రెడ్డి ఆధ్వర్యంలో సమావేశం నిర్వహించారు.

కొందరు అధికారులు తమ శాఖల అంశాలను ప్రస్తావించి, హాజరు రిజిస్టర్‌లో సంతకాలు చేసి వెళ్లిపోయారు. ఎల్‌నినో(El Nino) ప్రభావం నేపథ్యంలో రైతులు అరుతడి పంటలు సాగు(cultivate dry crops) చేయాలని, వరి సాగుకు దూరంగా ఉండాలని వ్యవసాయ అధికారులు సూచించారు. ఎరువులను అధికంగా వాడవద్దని, నీటిని పొదుపుగా వినియోగించాలని మిషన్ భగీరథ(Mission Bhagiratha) అధికారులు కోరారు.

సర్పంచులు గ్రామ సమస్యలను ప్రత్యేక అధికారి దృష్టికి తీసుకెళ్లినా, పరిష్కారాలపై సమగ్ర చర్చ లేకపోవడంతో సమావేశం తీరుపై అసంతృప్తి వ్యక్తమైంది. ఈ సమావేశంలో పీఏసీఎస్‌ చైర్మన్ ఇంద్రసేన రెడ్డి, సర్పంచులు శ్రీనివాస్ గౌడ్, కవిత లోలకర్ రెడ్డి, దీన రాజలింగం, విద్యాధర్, విద్యుత్ ఏఈ శివశంకర్, మిషన్ భగీరథ ఏఈ, ఏఈపీఆర్ రాకేష్, మండల ఆర్‌ఐ సత్యనారాయణ తదితరులు పాల్గొన్నారు.