శేషతల్పంపై కొలువైన స్వామి

తిరుమల: శ్రీవారి వార్షిక బ్రహ్మోత్సవాలు (Annual Brahmotsavams) తిరుమలలో వైభవంగా కొనసాగుతున్నాయి. ఉత్సవాల్లో భాగంగా నేడు శ్రీవారు చిన్న శేషవాహనంపై (Chinna Sesha Vahanam) భక్తులకు దర్శనమివ్వనున్నారు. స్వామివారి వాహన సేవను వీక్షించేందుకు భక్తులు పెద్ద సంఖ్యలో తరలిరానున్నారు. రాత్రి వేళ మలయప్పస్వామి హంసవాహనంపై (Hamsa Vahanam) ఊరేగుతూ భక్తులకు దర్శనమివ్వనున్నారు. బ్రహ్మోత్సవాల్లో భాగంగా నిర్వహించే వాహన సేవలకు ప్రత్యేక ఆధ్యాత్మిక ప్రాధాన్యం ఉంది. స్వామివారి వాహన సేవలను తిలకించేందుకు భక్తులు ఆసక్తిగా ఎదురుచూస్తున్నారు.