భారీగా పెరిగిన బంగారం రేట్లు

పసిడి కొనుగోలుదారులకు బిగ్ షాక్.. భారీగా పెరిగిన గోల్డ్ రేట్లు!

హైదరాబాద్: బంగారం కొనుగోలు చేయాలనుకుంటున్న వారికి ధరల పెరుగుదల షాక్ ఇచ్చింది. గురువారం ఉదయం పసిడి ధరలు ఒక్కసారిగా భారీగా ఎగబాకాయి. హైదరాబాద్ Bullion Market‌లో 10 గ్రాముల 24 క్యారెట్ల బంగారం ధర ఏకంగా రూ.2,900 పెరిగి రూ.1,42,810కు చేరింది. బుధవారం ఈ ధర రూ.1,39,910గా ఉంది. తాజా రేట్ల ప్రకారం 10 గ్రాముల 22 క్యారెట్ల బంగారం ధర రూ.1,30,910గా, 18 క్యారెట్ల గోల్డ్ రేటు రూ.1,07,110గా నమోదైంది. హైదరాబాద్‌తో పాటు విజయవాడ, విశాఖపట్నం, వరంగల్, తిరుపతి, కాకినాడ నగరాల్లోనూ దాదాపు ఇవే ధరలు కొనసాగుతున్నాయి. ఇతర నగరాల్లోనూ పసిడి ధరలు భారీ స్థాయిలో ఉన్నాయి. ఢిల్లీలో 24 క్యారెట్ల 10 గ్రాముల బంగారం ధర రూ.1,42,960 కాగా, చెన్నైలో రూ.1,42,920గా ఉంది. ముంబై, బెంగళూరు, కోల్‌కతాలో రూ.1,42,810 వద్ద కొనసాగుతోంది. అంతర్జాతీయ Gold Market Trends, ద్రవ్యోల్బణం, డాలర్ విలువ, పెట్టుబడిదారుల డిమాండ్ వంటి అంశాలు బంగారం ధరలపై ప్రభావం చూపుతుంటాయి. కొనుగోలుదారులు ఆభరణాలు తీసుకునే ముందు తాజా Market Rateతో పాటు GST, Making Charges వివరాలను కూడా పరిశీలించాలి.