తిరుమల తాజా అప్డేట్

తిరుమలలో భక్తుల రద్దీ.. శ్రీవారి దర్శనానికి 6 గంటలు!

తిరుమల: కలియుగ ప్రత్యక్ష దైవం శ్రీ వేంకటేశ్వర స్వామివారిని దర్శించుకునేందుకు తిరుమలకు భక్తులు తరలివస్తున్నారు. ప్రస్తుతం వైకుంఠం క్యూ కాంప్లెక్స్‌లోని 8 కంపార్టుమెంట్లలో భక్తులు వేచి ఉన్నారు. టోకెన్లు లేని భక్తులకు సర్వదర్శనం కల్పించేందుకు సుమారు 6 గంటల సమయం పడుతోంది. భక్తుల రద్దీకి అనుగుణంగా TTD అధికారులు Queue Management చేపడుతున్నారు.

మరోవైపు నిన్న శ్రీవారిని 68,004 మంది భక్తులు దర్శించుకున్నారు. 25,964 మంది భక్తులు తలనీలాలు సమర్పించి మొక్కులు చెల్లించుకున్నారు. భక్తులు సమర్పించిన కానుకలతో శ్రీవారి హుండీకి ఒక్కరోజులోనే రూ.3.91 కోట్ల ఆదాయం లభించింది. భారీ సంఖ్యలో భక్తులు స్వామివారిని దర్శించుకోవడంతో తిరుమలలో ఆధ్యాత్మిక సందడి నెలకొంది. దర్శనానికి వెళ్లే భక్తులు ప్రయాణానికి ముందుగా తాజా Darshan Status, Waiting Time వివరాలను తెలుసుకోవాలని సూచిస్తున్నారు.