విద్యార్థులకు కంటి పరీక్షలు

భిక్కనూర్,(విజయక్రాంతి): భిక్కనూర్ మండలం పెద్దమల్లారెడ్డి జిల్లా పరిషత్ ఉన్నత పాఠశాల(Peddamallareddy ZP High School)లో శుక్రవారం విద్యార్థులకు కంటి పరీక్షల(Eye Tests) కార్యక్రమం నిర్వహించారు. ఈ సందర్భంగా ఆటో రిఫ్రాక్టోమీటర్ ద్వారా విద్యార్థుల దృష్టిని పరీక్షించి, కంటి వక్రీభవన లోపాలను గుర్తించారు. దృష్టి సమస్యలు ఉన్న విద్యార్థులకు అవసరమైన కళ్లద్దాలను సిఫార్సు చేశారు.

ఈ కార్యక్రమాన్ని దోమకొండ డిప్యూటీ డీఎంహెచ్‌ఓ కార్యాలయ ఆప్తాల్మిక్ ఆఫీసర్ రవీందర్ పటేల్ నిర్వహించారు. విద్యార్థులు కంటి సమస్యలను నిర్లక్ష్యం చేయకుండా ఎప్పటికప్పుడు పరీక్షలు చేయించుకోవాలని సూచించారు. కార్యక్రమంలో పాఠశాల ప్రధానోపాధ్యాయులు, ఉపాధ్యాయ సిబ్బంది, హెల్త్ ఎడ్యుకేటర్ భీమ్, ఆశా కార్యకర్తలు పాల్గొన్నారు.