నిఖిల్ సిద్ధార్థ్ హీరోగా నటిస్తున్న తాజా చిత్రం ‘అప్పుడో ఇప్పుడో ఎప్పుడో’. డైరెక్టర్ సుధీర్‌వర్మ తెరకెక్కిస్తున్న ఈ చిత్రానికి బీవీఎస్‌ఎన్ ప్రసాద్ నిర్మాత. రుక్మిణి వసంత్ ఈ చిత్రంతో తెలుగు తెరకు పరిచయమవుతోంది. నవంబర్ 8న ఈ సినిమా విడుదల కానున్న నేపథ్యంలో మేకర్స్ సోమవారం ట్రైలర్‌ను రిలీజ్ చేశారు. ఈ సినిమాలో నిఖిల్ రిషి అనే రేసర్ పాత్రలో కనిపించనున్నాడు.

కొన్ని లవ్‌స్టోరీలున్న రిషి.. రుక్మిణి వసంత్‌ను డబ్బు కోసం ప్రేమించి పెళ్లి చేసుకుంటాడు. దివ్యాంశ కౌశిక్‌తోనూ మరో ప్రేమకథ ఉంటుంది. డబ్బు కోసం ఏమైనా చేయడానికి సాహసించే రిషి ఎలాంటి చిక్కుల్లో పడ్డాడు.

రేసింగ్ నైపుణ్యంతో ఆ సమస్య నుంచి ఎలా బయటపడ్డాడు. రిషి తరలించాలనుకున్న డెడ్ బాడీ ఎవరిది? అనే విషయాలు తెలియాలు తెలుసుకోవాలన్న ఆసక్తి పెంచేలా ఉందీ ట్రైలర్. ఈ చిత్రానికి గీత సంగీతం: కార్తీక్, నేపథ్య సంగీతం: సన్నీ ఎంఆర్; సినిమాటోగ్రఫీ: రిచర్డ్ ప్రసాద్.