ఆర్చర్ శ్రీ గణేష్ మణిరత్నంకు హిందుస్థాన్ కోకా-కోలా మద్ధతు

తిరుపతి: 20వ ఆసియా క్రీడలు (ఐచి-నగోయా 2026)కు ముందు తిరుపతికి చెందిన ఆర్చర్ శ్రీ గణేష్ మణి రత్నం తిరుమూరు(Archer Sri Ganesh Mani Ratnam Thirumuru)కు ప్రెసిషన్ ఆర్చరీ పరికరాలను అందించిన హిందుస్థాన్ కోకా-కోలా బెవరేజెస్ (Hindustan Coca-Cola Beverages), ఆయన సాధించిన అద్భుత విజయాలను గర్వంగా అభినందిస్తోంది. పురుషుల కాంపౌండ్ టీమ్ ఈవెంట్‌లో స్వర్ణ పతకంతో పాటు, పురుషుల వ్యక్తిగత కాంపౌండ్ ఈవెంట్‌లో కాంస్య పతకాన్ని శ్రీ గణేష్ సాధించారు.

ఈ పరికరాలను తిరుపతి జిల్లా కలెక్టర్ డా. ఎస్. వెంకటేశ్వర్, ఐఏఎస్ సమక్షంలో అందజేశారు.హిందుస్థాన్ కోకా-కోలా బెవరేజెస్ (HCCB)లో ఇంటిగ్రేటెడ్ సప్లై చైన్ హెడ్ అవినాష్ కాంత్ కుమార్ మాట్లాడుతూ, “20వ ఆసియా క్రీడల్లో అద్భుత ప్రదర్శనతో భారతదేశానికి గౌరవం తీసుకురావడంతో పాటు ఆంధ్రప్రదేశ్‌కు గర్వకారణంగా నిలిచిన శ్రీ గణేష్ మణి రత్నం తిరుమూరును చూసి మేము ఎంతో ఆనందిస్తున్నాము.

ఆసియాలోని అతిపెద్ద క్రీడా వేదికల్లో ఒకటైన ఈ పోటీల్లో స్వర్ణ, కాంస్య పతకాలను సాధించడం ఆయన అంకితభావం, క్రమశిక్షణ, పట్టుదలకు నిదర్శనం. శ్రీ గణేష్‌కు ప్రెసిషన్ ఆర్చరీ పరికరాలను అందించడం ద్వారా ఆయన ప్రయాణానికి మద్దతు అందించినందుకు HCCB గర్విస్తోంది. ఈ అద్భుత విజయానికి ఆయనకు హృదయపూర్వక అభినందనలు తెలియజేస్తూ, భవిష్యత్తులో మరెన్నో విజయాలు సాధించాలని కోరుకుంటున్నాము” అని అన్నారు. ఆంధ్రప్రదేశ్‌లో HCCBకు దీర్ఘకాలంగా బలమైన ఉనికి ఉంది. గుంటూరు జిల్లాలోని ఆత్మకూరు, తిరుపతి జిల్లాలోని శ్రీకాళహస్తిలో కంపెనీ తయారీ కేంద్రాలు ఉన్నాయి. ఈ సమాజాల్లో భాగస్వామిగా ఉన్నందుకు గర్విస్తున్న HCCB, అంతర్జాతీయ వేదికపై శ్రీ గణేష్ సాధించిన ఈ ఘన విజయాన్ని ఆనందంగా జరుపుకుంటోంది.