చెన్నై 08 ఏప్రిల్ 2026: భారతదేశంలోని ప్రముఖ విమానయాన శిక్షణా సంస్థలలో ఒకటైన చెన్నైస్ అమృత ఇంటర్నేషనల్ ఏవియేషన్ కాలేజ్, ప్రపంచ విమానయాన నైపుణ్యాన్ని నేరుగా తమ క్యాంపస్‌కు తీసుకురావడానికి యూనివర్సిటీ కాలేజ్ ఆఫ్ ఏవియేషన్ మలేషియాతో ఒక వ్యూహాత్మక అంతర్జాతీయ భాగస్వామ్యాన్ని చేసుకుంది.  విద్యార్థుల ఆచరణాత్మక అనుభవాన్ని బలోపేతం చేయడానికి, ఆత్మవిశ్వాసాన్ని పెంపొందించడానికి, ప్రపంచ వ్యాప్తంగా విమానయాన రంగం కోసం పరిశ్రమకు సంబంధించిన నైపుణ్యాలను వారికి అందించడానికి ఈ కార్యక్రమాన్ని రూపొందించారు.

ఫ్యూచర్ డ్రీమ్ అకాడమీ మలేషియా ఛైర్మన్ కలైయరసన్ , ఫ్యూచర్ డ్రీమ్ అకాడమీ మలేషియా సీఈఓ  జైనానక్ సింగ్ సమక్షంలో, చెన్నైస్ అమృత గ్రూప్ ఆఫ్ ఇన్‌స్టిట్యూషన్స్ ఛైర్మన్ బూమీ నాథన్ మరియు యూనికామ్ మలేషియా డీన్ ఉమర్ అబ్దిల్లా అన్వర్ ఈ  అవగాహన ఒప్పందం (ఎంఓయు)పై సంతకాలు చేశారు. ఈ కార్యక్రమానికి చెన్నైస్ అమృత ఇంటర్నేషనల్ ఏవియేషన్ కాలేజ్ సీఓఓ భానుమతి, డీన్ సురేన్, ప్రిన్సిపాల్ డాక్టర్ రాహుల్ ,హెచ్‌ఓడి అరుణ్ కూడా హాజరయ్యారు.

ఈ భాగస్వామ్యంలో భాగంగా, ప్రపంచ విమానయాన నిపుణుల సమక్షంలో  నాలుగు రోజుల అంతర్జాతీయ శిక్షణా కార్యక్రమాన్ని ఈ కళాశాల నిర్వహించింది. ఏవియేషన్ 4.0 మరియు డిజిటల్ పరివర్తన; విమానయానంలో ఆర్టిఫిషియల్ ఇంటెలిజెన్స్ యొక్క పెరుగుతున్న పాత్ర; విమానాశ్రయ కార్యకలాపాలు , విమాన నిర్వహణ ఆవిష్కరణలు; విమానయానంలో అభివృద్ధి చెందుతున్న సాంప్రదాయేతర వృత్తి మార్గాలు వంటి  అంశాలపై ఉపన్యాసాలు మరియు వర్క్‌షాప్‌లు నిర్వహించారు.  విద్యార్థులకు వారి విద్యా ప్రయాణంలో భాగంగా అంతర్జాతీయ విమానాశ్రయాలలో శిక్షణను అందిస్తున్న దక్షిణ భారతదేశంలోని తొలి కళాశాలలలో తాము ఒకటిగా ఉన్నామని చెన్నైస్ అమృత గ్రూప్ ఛైర్మన్ ఆర్. బూమీ నాథన్ చెప్పారు.

భారతదేశం అంతటా విద్యార్థులకు ప్రపంచ స్థాయి అనుభవాన్ని అందించడమే తమ కార్యకలాపాలను విస్తరిస్తున్నామనీ తెలిపారు.  విమానయాన రంగంలో పెరుగుతున్న డిమాండ్‌ను గుర్తు చేశారు. 2035 నాటికి పైలట్లు, క్యాబిన్ సిబ్బంది, ఇంజనీర్లు మరియు గ్రౌండ్ స్టాఫ్ వంటి వివిధ ఉద్యోగ విభాగాలలో  1.5-2 లక్షల మంది నైపుణ్యం కలిగిన నిపుణులు అవసరమవుతారని పేర్కొన్నారు. చెన్నైస్ అమృత ఏవియేషన్ కాలేజీలో భాగమైన ఈ సంస్థ, ప్రపంచవ్యాప్తంగా గుర్తింపు పొందిన ప్రోగ్రామ్‌లను అందిస్తోంది. ఈ భాగస్వామ్యం కింద, మూడేళ్ల డిగ్రీ మరియు డిప్లొమా ప్రోగ్రామ్‌లలో చేరిన విద్యార్థులు తమ మొదటి రెండు సంవత్సరాలను చెన్నైలోని చెన్నైస్ అమృత క్యాంపస్‌లో పూర్తి చేసి, ఆ తర్వాత ఒక క్రమబద్ధమైన పద్ధతిలో మలేషియాకు వెళ్తారు.