25ఏళ్ల తర్వాత.. కలుసుకున్న చిన్ననాటి స్నేహితులు
మహబూబాబాద్ (విజయక్రాంతి): చిన్ననాటి స్నేహాలు, పాఠశాల జ్ఞాపకాలు జీవితంలో ఎప్పటికీ చెరిగిపోవని మధురానుభూతులని పలువురు పూర్వ విద్యార్థులు(Childhood friends) పేర్కొన్నారు. కేసముద్రం మండలం ఉప్పరపల్లి జెడ్పీ హైస్కూల్లో(ZP High School) 2001-02 టెన్త్ బ్యాచ్ పూర్వ విద్యార్థుల సమ్మేళనాన్ని ఆదివారం ఘనంగా నిర్వహించారు. 25 ఏళ్ల అనంతరం ఒకే వేదికపై కలుసుకున్న మిత్రులు చిన్ననాటి జ్ఞాపకాలను నెమరువేసుకుంటూ ఆత్మీయంగా ముచ్చటించుకున్నారు. అప్పట్లో కలిసి చదువుకున్న రోజులు, పాఠశాలలో గడిపిన సమయం, గురువులతో ఉన్న అనుబంధాన్ని గుర్తు చేసుకుని ఆనందాన్ని పంచుకున్నారు.
అప్పటి సంగతులు.. నేటి జీవిత విశేషాలు
సమ్మేళనంలో పూర్వ విద్యార్థులు ఒక్కొక్కరుగా వేదికపైకి వచ్చి తాము ప్రస్తుతం చేస్తున్న పనులు, కుటుంబ సభ్యుల వివరాలు, జీవితంలో సాధించిన ప్రగతిని సహచరులతో పంచుకున్నారు. 25 ఏళ్ల కాలంలో తమ జీవితాల్లో చోటుచేసుకున్న మార్పులను వివరించడంతో పాటు, పాఠశాల విద్య తమ జీవితాలకు అందించిన పునాదిని గుర్తు చేసుకున్నారు. అనంతరం అప్పటి ఉపాధ్యాయులు హెచ్ఎం వంగా దుర్గాప్రసాద్, చీకటి వెంకట్రాంనర్సయ్య, తిరునహరి నమ్మాళ్వార్, ఉస్మాన్ అలీ, వెంకటేశ్వర్లు, హరికృష్ణ, శ్రీనివాస్, పీఈటీ అరుణ, యాస హేమన్ రెడ్డి, కీర్తి నాగయ్య, ప్రస్తుత హెచ్ఎం చంద్రశేఖర్లను శాలువాలతో ఘనంగా సత్కరించారు. గురువులను సన్మానించడం ద్వారా తమ విద్యాభివృద్ధికి చేసిన సేవలను పూర్వ విద్యార్థులు కృతజ్ఞతతో గుర్తుచేసుకున్నారు.
ఈ కార్యక్రమంలో పూర్వ విద్యార్థులు ఏటురోజు రాజకుమార్, బండారు రాజ్ కుమార్, గంధం వెంకటేశ్వర్లు, పొదిలా వెంకన్న, ఏసల్ల యాకస్వామి, ఏసల్ల సారంగపాణి, శివ లాల్, విజయ్, కోలా ఇంద్ర, అరుణ, రాధిక, జ్యోతి, ప్రతిభ, స్వప్న తదితరులు పాల్గొన్నారు. ఒకరి కష్టసుఖాలను మరొకరు తెలుసుకుంటూ, భవిష్యత్తులోనూ ఇలాంటి ఆత్మీయ కలయికలను కొనసాగించుకోవాలని పూర్వ విద్యార్థులు ఆకాంక్షించారు.
