ఒడిశా గవర్నర్ కె.హరిబాబును ఆహ్వానించిన ఆంధ్ర సారస్వత పరిషత్తు అధ్యక్షుడు గజల్ శ్రీనివాస్

హైదరాబాద్, నవంబర్ 30 (విజయక్రాం తి): ఆంధ్ర సారస్వత పరిషత్, ఆంధ్ర ప్రదేశ్ ఆధ్వర్యంలో 2026 జనవరి 3 నుంచి 5వ తేదీ వరకు గుంటూరులోని అమరావతి శ్రీ సత్య సాయి స్పిరచువల్ సిటీ ప్రాంగణం (హైవే)లో నందమూరి తారకరామారావు వేదిక పై నిర్వహించే 3వ ప్రపంచ తెలుగు మహాసభలలో జనవరి 3న సాయంత్రం నిర్వహించే ‘పూర్ణకుంభ పురస్కార సభ’కు ముఖ్య అతిథిగా హాజరుకావాలని ఒడిశా గవర్నర్ కె హరిబాబును రాజ్ భవన్, భువనేశ్వర్‌లో కలసి ఆహ్వానం అందించినట్టుగా ఆంధ్ర సారస్వత పరిషత్తు అధ్యక్షుడు గజల్ శ్రీనివాస్ తెలిపారు. ఆయన సానుకూలంగా స్పందించారని, ‘తెలుగు మాట ప్రతి నోట‘ అన్న  మహా సంకల్పంతో ప్రజలందరూ పయనం చేయాల్సిన అవసరం ఉన్నదని గవర్నర్  హరిబాబు అభిప్రాయం పడ్డారని గజల్ శ్రీనివాస్ తెలిపారు.