01-12-2025 12:23:35 AM
ఎమ్మెల్యే యెన్నం శ్రీనివాస్ రెడ్డి
మహబూబ్ నగర్ టౌన్, నవంబర్ 30: నూతనంగా ఏర్పాటు చేసిన మాడ్రన్ బేకరీని ఎమ్మెల్యే యెన్నం శ్రీనివాస రెడ్డి ముఖ్య అతిథిగా హాజరై ప్రారంభించి, నిర్వాహకులకు శుభాకాంక్షలు తెలియజేశారు. ఈ సందర్భంగా ఎమ్మెల్యే గారు మాట్లాడుతూ, వచ్చే క్రిస్మస్, నూతన సంవత్సరం మాత్రమే కాదు, ప్రతి ఇంటిలో జరిగే పుట్టినరోజులు, వేడుకలు, ఆనందకర సందర్భాల్లో ప్రజలు కేకులను కొనుగోలు చేస్తారు.
అలాంటి ప్రతి కుటుంబానికి నాణ్యత కలిగిన, శుభ్రమైన, రుచి కేకులను అందించాలని , వినియోగదారుల నమ్మకాన్ని నిలబెట్టే విధంగా సేవలందించాలి అని ఆయన సూచించారు. మాడ్రన్ బేకరీ ప్రారంభం ద్వారా ఈ ప్రాంత ప్రజలకు మరింత మెరుగైన, నాణ్యమైన ఉత్పత్తులు అందుబాటులోకి రానున్నాయని ఆయన తెలిపారు. ఈ సందర్భంగా నిర్వాహకులు ఏర్పాటు చేసిన భారీ కేక్ ను ఎమ్మెల్యే కట్ చేశారు. ఈ కార్యక్రమంలో పాటు ముడా చైర్మన్ లక్ష్మణ్ యాదవ్, డిసిసి ప్రధాన కార్యదర్శి సిరాజ్ ఖాద్రీ మహ్మద్ యాసిన్, మహ్మద్ సులైమాన్, మహ్మద్ ఫరుఖాన్, మహ్మద్ ఇమ్రాన్ పాల్గొన్నారు.
అందరూ మెచ్చేల అభివృద్ధి చేస్తున్నాం
మహబూబ్ నగర్, నవంబర్ 30(విజయక్రాంతి): అందరూ మెచ్చేలా అభివృద్ధి చేస్తున్నామని ఎమ్మెల్యే యెన్నం శ్రీనివాస్ రెడ్డి అన్నారు. సోమవారం పంచముఖి కాలనీ ఆంజనేయ స్వామి దేవాలయం సమీపంలో నూతనంగా ఏర్పాటు చేసిన హైమాస్ట్ విద్యుత్ దీపాలను మహబూబ్ నగర్ ఎమ్మెల్యే యెన్నం శ్రీనివాస్ రెడ్డి సోమవారం ముఖ్య అతిథిగా హాజరై ప్రారంభించారు. కాలనీ ప్రజల దీర్ఘకాల అభిలాషగా ఉన్న ఈ సౌకర్యం అందుబాటులోకి రావడంతో స్థానికులు హర్షం వ్యక్తం చేశారు.
ఈ సందర్భంగా ఎమ్మెల్యే మాట్లాడుతూ మహబూబ్ నగర్ నగరాన్ని పూర్తి స్థాయిలో అభివృద్ధి చేసేందుకు ప్రభుత్వం కట్టుబడి ఉందని, రహదారులు, కాలువలు, డ్రైనేజీ, స్ట్రీట్ లైటింగ్, పార్కులు, ఇలాంటి అన్ని రకాల మౌలిక వసతులను దశలవారీగా విస్తరించి, ప్రజలకు మరింత మెరుగైన జీవన ప్రమాణాలను అందించడమే మా లక్ష్యమన్నారు. పంచముఖి కాలనీలో నెలకొన్న చీకటి సమస్యను పరిష్కరించేందుకు ఏర్పాటు చేసిన ఈ హైమాస్ట్ లైట్లు రాత్రి వేళ భద్రత, రాకపోకలకు ఎంతో తోడ్పడతాయి అని అన్నారు.
నగరంలోని ప్రతి కాలనీ, ప్రతి వీధిలో అవసరాలను ప్రాముఖ్యతగా పరిగణించి పనులు చేపడుతున్నామని, ప్రజల సూచనలు, సలహాలు తీసుకుని అభివృద్ధిలో ముందుకు పోతున్నామని పేర్కొన్నారు. ఈ కార్యక్రమంలో మాజీ మున్సిపల్ చైర్మన్ ఆనంద్ గౌడ్, డిసిసి ప్రధాన కార్యదర్శి సిరాజ్ ఖాద్రీ, కాలనీ అధ్యక్షులు రామేశ్వర్ రెడ్డి, కార్యదర్శి ఆంజనేయులు గౌడ్, స్థానిక పెద్దలు, యువత, మహిళలు పాల్గొన్నారు.