సీఎం కుర్చీపై క్లారిటీ ఇచ్చిన ఏక్ నాథ్ షిండే

ముంబయి,(విజయక్రాంతి): మహరాష్ట్ర ముఖ్యమంత్రి కుర్చీపై ఏక్ నాథ్ షిండే క్లారిటీ ఇచ్చారు. భారతీయ జనతా పార్టీ నేతృత్వంలోని ఎన్డీఏ కూటమి అధినేత నరేంద్ర మోదీ, అమిత్ షా ఏ నిర్ణయం తీసుకున్న కట్టుబడి ఉంటానని ఏక్ నాథ్ షిండే స్పష్టం చేశారు. ప్రభుత్వ ఏర్పాటు గురించి తనతో ఫోన్ లో మాట్లాడి అభిప్రాయం తెలుసుకున్నారని షిండే పేర్కొన్నారు. అధిష్టానం ఏ నిర్ణయం తీసుకున్నా తనకు ఆమోదమేనని చెప్పారు. ఎన్డీఏ అధినేతగా మోదీ ఏ నిర్ణయం తీసుకున్నా శిరసావహిస్తామని, ముఖ్యమంత్రి పదవిపై ప్రధాని మోదీ, అమిత్ షా నిర్ణయమే అంతిమమని తెలిపారు. ప్రభుత్వ ఏర్పాటులో అడ్డంకిగా ఉండబోనని చెప్పినట్లు ఏక్ నాథ్ షిండే తెలిపారు.