హైదరాబాద్: బాలాపూర్ చౌరస్తా వద్ద గురువారం ఒక ఫుడ్ కోర్టులో అగ్నిప్రమాదం(Fire Accident) జరిగింది. ఈ ప్రమాదంలో ఫుడ్ కోర్టు పూర్తిగా ధ్వంసమైంది. అయితే, నిన్న రాత్రి దుకాణం మూసి ఉన్నందున ఈ ఘటనలో ఎవరికీ గాయాలు కాలేదు. ఉదయం వాకర్స్ నుండి అగ్ని ప్రమాదం గురించి సమాచారం అందుకున్న అగ్నిమాపక సిబ్బంది సంఘటనా స్థలానికి చేరుకుని గంటలోపు మంటలను అదుపులోకి తీసుకొచ్చారు.

విద్యుత్ షార్ట్ సర్క్యూట్(Electrical short circuit) ప్రమాదానికి ఒక కారణమై ఉండవచ్చని అగ్నిమాపక సిబ్బంది అనుమానిస్తున్నారు. దుకాణాన్ని క్షుణ్ణంగా తనిఖీ చేసిన తర్వాతే ఈ ప్రమాదానికి సంబంధించిన మరిన్ని వివరాలు తెలుస్తాయని అధికారులు తెలిపారు. ఫుడ్ కోర్టుకు ఆనుకుని ఉన్న ఇతర దుకాణాలకు మంటలు వ్యాపించకుండా అగ్నిమాపక సిబ్బంది అవసరమైన ముందుజాగ్రత్త చర్యలు తీసుకున్నారని వారు చెప్పారు. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.