శ్రీ సరస్వతీ శిశు మందిర్‌లో హోలీ సంబరాలు

కుమ్రంభీం ఆసిఫాబాద్,(విజయక్రాంతి): శ్రీ సరస్వతీ శిశు మందిర్ ఉన్నత పాఠశాలలో మాతృభారతి ఆధ్వర్యంలో ముందస్తుగా హోలీ పండుగను ఘనంగా నిర్వహించారు. ఈ సందర్భంగా హోలీ పండుగ విశిష్టత, పండుగ జరుపుకునే కారణాలను కొంతమంది విద్యార్థులు వివరించారు.

పాఠశాల ఆచార్యులు శ్రీరామ్ సత్యనారాయణ హోలీ పండుగ వెనుక ఉన్న కథను, దాని ప్రాధాన్యతను విద్యార్థులకు వివరించారు. అనంతరం ఆచార్యులు, విద్యార్థులు, కమిటీ సభ్యులు ఒకరికొకరు రంగులు పూసుకుంటూ హోలీ శుభాకాంక్షలు తెలియజేశారు. ఈ కార్యక్రమంలో మాతృభారతి సభ్యులు చిప్ప రమాదేవి, కల్లూరి వైష్ణవి, పల్లెర్ల అఖిల, కట్కూరి స్వాతి, ప్రధానాచార్యులు గుండేటి కోటేశ్వరరావు, ఆచార్యులు, విద్యార్థులు పాల్గొన్నారు.