సాయి పల్లవి అంతటి బ్యూటీ క్వీన్ వచ్చేసి అన్నయ్య అని పిలిస్తే ఎవరికైనా ఎలా ఉంటుంది? అదే ఫీలింగ్ తమిళ ప్రముఖ నటుడు శివకార్తికేయన్‌కు కలిగిందట. చాలా బాధపడ్డారట. ఈ విషయాన్ని స్వయంగా తమిళ మూవీ ‘అమరన్ ’ ఆడి యో లాంచ్ ఈవెంట్‌లో వెల్లడించారు. శివకార్తికేయన్, సాయిపల్లవి జంటగా నటించిన ‘అమరన్’ చిత్రం అక్టోబర్ 31న ప్రేక్షకుల ముందుకు రానుంది. తెలుగు, తమిళ్‌లో ఈ చిత్రం రూపొందింది. ఈ చిత్ర ఆడియో లాంచ్ ఈవెంట్‌లో ఆసక్తికర విషయాలను శివకార్తికేయన్ వెల్లడించారు. ఆయన కెరీర్ బుల్లితెరపై యాంకర్‌గా ప్రారంభమైంది. ఆ తరువాత తన టాలెంట్‌తో వెండితెరపై స్టార్ హీరో స్థాయికి ఎదిగారు. యాంకర్‌గా చేస్తున్న సమయంలో తొలిసారిగా సాయిపల్లవిని శివకార్తికేయన్ కలిశారట. అప్పటి విషయాలను ఆయన ఈవెంట్‌లో పంచుకున్నారు. “నేను హోస్ట్ చేసిన కార్యక్రమా నికి సాయిపల్లవి వచ్చింది. ఆ తర్వాత ప్రేమమ్ విడుదలైంది. ఆ చిత్రంలో సాయి పల్లవి నటన నన్ను ఎంతగానో ఆకట్టుకుంది. ఇదే విషయా న్ని సాయిపల్లవికి ఫోన్ చేసి చెప్పాను. ‘థాంక్యూ అన్న’ అని చెప్పింది. అన్నా అని పిలవడంతో నేను చాలా బాధపడ్డాను” అని శివకార్తికేయన్ వెల్లడించారు.