టెహ్రాన్: ఇజ్రాయెల్ శుక్రవారం తెల్లవారుజామున ఇరాన్‌పై ప్రధాన వైమానిక దాడులను ప్రారంభించింది. ఇజ్రాయెల్ దాడిలో ఇరాన్ రివల్యూషనరీ గార్డ్స్ కమాండర్ హోస్సేన్ సలామీ, ఇరాన్ సాయుధ దళాల చీఫ్ ఆఫ్ స్టాఫ్ బఘేరి మరణించారు. సలామీ, బఘేరి మరణించినట్లు ఇరాన్ ప్రభుత్వ మీడియా వెల్లడించింది. ఇజ్రాయెల్ పై ఇరాన్ ప్రతిదాడులు చేసింది. 100 డ్రోన్లతో ఇరాన్ విరుచుకుపడింది. ఇరాన్ డ్రోన్లను ఇజ్రాయెల్ సైన్యం తిప్పికొట్టింది. అటు ఇరాన్ పై ఇజ్రాయెల్ దాడులను సౌదీ అరేబియా ఖండించింది. అంతర్జాతీయ చట్టాలు, నిబంధనలు ఉల్లఘింస్తూ ఇజ్రాయెల్ దాడికి దిగిందని సౌదీ ఆరోపించింది. ఇజ్రాయెల్ దాడులకు ప్రతీకారం తీర్చుకుంటామని ఇరాన్ సుప్రీం లీడర్ అయతొల్లా ఖమేనీ హెచ్చరించారు. ఇరాన్ పై ఆపరేషన్ రైజింగ్ లయన్ ప్రారంభమైందని ఇజ్రాయెల్ ప్రధాని పేర్కొన్నారు. ఇజ్రాయెల్ దాడులతో ప్రపంచవ్యాప్తంగా ఉద్రిక్తతలు పెరిగాయి. దీర్ఘకాల ప్రత్యర్థుల మధ్య విస్తృత సంఘర్షణ భయాన్ని పెంచాయి. టెహ్రాన్ అణు కార్యక్రమం, ఇజ్రాయెల్ జాతీయ భద్రతకు దాని ముప్పు గురించి పెరుగుతున్న ఆందోళనల మధ్య ఈ దాడులు జరిగాయి. 

ఇజ్రాయెల్ ప్రధాన మంత్రి బెంజమిన్ నెతన్యాహు ఒక టెలివిజన్ ప్రకటనలో ఇరాన్ పై ఆపరేషన్ రైజింగ్ లయన్ ప్రారంభమైందన్నారు. ఈ దాడిని ఇజ్రాయెల్ మనుగడకు ఇరాన్ ముప్పును తిప్పికొట్టడానికి లక్ష్యంగా చేసుకున్న సైనిక చర్యగా పేర్కొన్నారు "మాపై ఉన్న వినాశన ముప్పును నివారించే పనిని పూర్తి చేయడానికి ఈ ఆపరేషన్ అవసరమైనంత కాలం కొనసాగుతోంది" అని నెతన్యాహు ప్రకటించాడు. ఈ దాడిని ఇజ్రాయెల్ రక్షణ మంత్రి ఇజ్రాయెల్ కాట్జ్ ధృవీకరించారు. ఆయన దీనిని రాబోయే ముప్పులను  ముందస్తు దాడిగా అభివర్ణించారు. పెరిగిన ప్రమాదానికి ప్రతిస్పందనగా, జాతీయ సంసిద్ధత, పౌర భద్రతను నిర్ధారించడానికి కాట్జ్ ఇజ్రాయెల్ అంతటా ప్రత్యేక అత్యవసర పరిస్థితిని కూడా ప్రకటించారు. ఇదిలా ఉండగా, శుక్రవారం తెల్లవారుజామున రాజధాని టెహ్రాన్‌లోని పలు ప్రాంతాల్లో పెద్ద పేలుళ్ల శబ్దాలు వినిపించాయని ఇరాన్ రాష్ట్ర మీడియా తెలిపింది.