1. రాణిస్తున్న జిల్లావాసులు
2. అల్గునూరులో అంతర్జాతీయ స్థాయి ప్రమాణాలతో స్టేడియం

విజయక్రాంతి, కరీంనగర్: కరీంనగర్ ఉమ్మడి జిల్లాకు చెందిన పలువురు క్రీడాకారులు క్రికెట్‌లో రాణిస్తున్నారు. చిన్నతనం నుంచే క్రికెట్ ప్రాక్టీస్ చేసి రాష్ట్ర, దేశీయ జట్టులో చోటు సంపాదించుకుని జిల్లాకు పేరు తెస్తున్నారు. పెద్దపల్లి జిల్లా రామగుండంకు చెందిన అంతర్జాతీయ మహిళా వెటరన్ క్రికెటర్ శిఖా పాండే మరోసారి తన సత్తాచారు. ఇదేజిల్లాకు చెందిన మరో క్రికెటర్ పేరాల అమన్ సీనియర్ మెన్స్ టీ20 మ్యాచ్ లో రాణిస్తూ.. మెప్పిస్తున్నారు.

జిల్లా క్రికెట్ అసోసియేషన్ ఆధ్వర్యంలో అంతర్జాతీయ ప్రమాణాలతో స్టేడియం రూపుదిద్దుకుంటోంది. క్రికెట్ పట్ల చిన్నతనం నుంచే ఆసక్తిగల వారిని ప్రోత్సహించడం, ఈ ఆటపై జిల్లాలో పెరుగుతున్న ఆదరణపై ‘విజయక్రాంతి’ ప్రత్యేక కథనం..

శిఖా పాండే మహిళల క్రికెట్ ప్రీమియర్ వేలంలో ఏకంగా రూ.2.4 కోట్లు దక్కించుకుంది. న్యూఢిల్లీ వేదికగా జరిగిన ఈ వేలంపాటలో రామగుండంకు చెందిన 36 ఏళ్ల ఆల్ రౌండర్ శిఖాను బేస్ ప్రైజ్ 40 లక్షలు బెంగళూరు పోటీపడ్డారు. చివరికి యూపీ వారియర్స్ జట్టు 2.4 కోట్లకు స్వంతం చేసుకుంది. గత రెండేళ్ల వరకు అంతర్జాతీయ కెరియర్ కొనసాగించిన శిఖా మహిళా క్రికెట్ ప్రీమియర్ లీగ్‌లో భారీ మొత్తంలో స్వంతం చేసుకోవడం దేశవ్యాప్తంగా సంచలనంగా మారింది.

ఇది ఆమె ఆట తీరుకు అద్దం పడుతుంది. శిఖా తల్లిదండ్రులు సుభాష్ పాండే, సుశీల పాండే. రామగుండం ఎన్టీపీసీలో ఉద్యోగం చేసేవారు. అక్కడే పుట్టి పెరిగిన శిఖాకు చిన్నప్పటి నుంచి క్రికెట్ అంటే ఎంతో మక్కువ. ఆమె ఆసక్తిని గమనించిన తల్లిదండ్రులు ఆ దిశగా ప్రోత్సహిం చడంతో ఆమెకు 2014లో దేశీయ జట్టులో ప్రవేశం లభించింది.

సత్తా చాటుతున్న అమన్

కరీంనగర్‌కు చెందిన ప్రముఖ వ్యాపారి పేరాల మధుకర్‌రావు కుమారుడు పేరాల అమన్ ప్రస్తుతం సీనియర్ మెన్స్ టీ20 మ్యాచ్‌లో రాష్ట్రం నుంచి ఆడుతూ సత్తా చాటుతున్నారు. తాను ఇప్పటి వరకు హర్యానా, ముంబై, మధ్యప్రదేశ్, బరోడాలతో జరిగిన న్యూచ్ లలో ఆడి మెప్పించారు. ఎస్బీఐ అం డర్-20లో కర్ణాటకతో తలపడినప్పుడు 105 రన్లతో సెంచరీ చేశాడు.

పాండిచ్చెరితో ఆడినప్పుడు 145 పరుగులు సాధించి శభాష్ అనిపించుకున్నాడు. ప్రస్తుతం ఆడుతున్న మ్యాచ్ లలో కూడా తన సత్తా చాటు తూ కరీంనగర్ బిడ్డగా మెరిసిపోతున్నాడు. కరీంనగర్ జిల్లా టీం నుంచి గతంలో ఆడిన అమన్ బీకాం పూర్తిచేసి ప్రస్తుతం ఎంబీఏ అభ్యసిస్తున్నాడు. తల్లిదండ్రుల ప్రోత్సాహంతో ఐపీల్ తోపాటు దేశీయ జట్టులో చోటు దక్కించుకునే లక్ష్యంతో అమన్‌రావు ఉన్నారు.

అంతర్జాతీయ ప్రమాణాలతో స్టేడియం

కరీంనగర్ జిల్లా క్రికెట్ అసోసియేషన్ ఆధ్వర్యంలో మాజీ ఎమ్మెల్యే వెలిచాల జగపతి రావు మెమోరియల్ క్రీడా మైదానాన్ని కరీంనగర్ కు సమీపంలోని అల్గునూరులో 9 ఎకరాలలో నిర్మించా రు. ఇది తెలంగాణ జిల్లాలోనే మొట్ట మొదటి టర్చ్ గ్రౌండ్. బీసీసీఐ టోర్నమెంట్ నిర్వహించే స్థాయిలో అభివృద్ధి చేశారు. ఇందులో ఐదు టార్చ్ గ్రౌండ్స్ మ్యాచ్‌లు నిర్వహించడానికి సిద్ధం చేశారు.

ఇవేకాకుం డా క్రికెట్ అకాడమీని నెలకొల్పి సుమారు 200 మంది ప్రాక్టీస్ చేయడానికి సదుపాయాలు ఏర్పాటు చేయడం జరిగింది. వెలిచాల జగపతిరావు సోదరుడై న ప్రముఖ రచయిత వెలిచాల కొండల్ రావు కుమారుడైన ఆగమరావు ఈ మైదాన నిర్మాణంలో కీలకపాత్ర పోషించారు. రాబోయే కాలంలో డే నైట్ క్రికెట్ ఆడేవిధంగా ఫ్లడ్ లైట్లు ఏర్పాటు చేయనున్నారు.

క్రికెట్లో ఆణిముత్యాలను వెలికితీసేందుకే..

క్రికెట్‌లో ఆణిముత్యాలను వెలికితీసేందుకు క్రీడా మైదానాన్ని ఏర్పాటు చేశాం. ఇప్పటికే రాష్ట్రస్థాయి టోర్నమెంట్లను కూడా విజయవంతంగా నిర్వహించాం. ఈ స్టేడియం ద్వారా క్రికెట్ పట్ల చిన్నతనం నుంచే ఆసక్తిగల వారిని ప్రోత్సహించి, రాష్ట్ర, దేశ, అంతర్జాతీయ స్థాయిలో రాణించే విధంగా ప్రాక్టీస్ చేయిస్తాం. కరీంనగర్‌కు చెందిన పేరాల అమన్‌రావు రాష్ట్ర జట్టు నుంచి ప్రస్తుతం ఆడుతూ ప్రతిభ కనబరుస్తుండడం అభినందనీయం.

అలాగే శిఖా పాండే లాంటి వెటరన్ ఆల్ రౌండర్‌కు 2.4 కోట్లు ధర పలకడం గ్రామీణ ప్రాంతంలోని యువ క్రీడాకారిణులకు స్ఫూర్తిదాయకం. భవిష్యత్‌లో మరింత మంది క్రీడాకారులు ఈ ప్రాంతం నుంచి ఎంపికయ్యేందుకు శిఖా ప్రస్థానమే స్ఫూర్తిదాయకం.

 వెలిచాల ఆగమ రావు, కరీంనగర్ జిల్లా క్రికెట్ అసోసియేషన్ అధ్యక్షుడు