కోహ్లీ ఎన్నాళ్లకెన్నాళ్లకు

న్యూఢిల్లీ: పుష్కరకాలం తర్వాత రంజీల్లో బరిలోకి దిగిన టీమిండియా స్టార్ విరాట్ కోహ్లీని చూసేందుకు అభిమానులు ఢిల్లీ స్టేడియానికి పోటెత్తారు. నేడు ప్రారంభమైన రంజీ ట్రోఫీ ఏడో రౌండ్‌లో రైల్వేస్‌తో ఢిల్లీ ఆడుతోంది. మ్యాచ్ చూడడానికి 10 వేల మంది వస్తారని భావించిన డీడీసీఏకు ఊహించని షాక్ తగిలింది.

దాదాపు 15 వేల మంది అభిమానులు స్టేడియానికి రావడం విశేషం. తొలి రోజు గ్రౌండ్‌లో ఉత్సాహంగా కనిపించాడు. వికెట్ పడినప్పుడల్లా బౌలర్లను అభినందించాడు. నేడు కోహ్లీ బ్యాటింగ్ చేసే అవకాశాలు ఎక్కువగా ఉండడంతో అభిమానుల సంఖ్య మరింత పెరిగే అవకాశం లేకపోలేదు. ఇక మ్యాచ్ విషయానికి వస్తే  రైల్వేస్ తొలి ఇన్నింగ్స్‌లో 241 పరుగులకు ఆలౌటైంది.

ఆ తర్వాత బ్యాటింగ్‌కు వచ్చిన ఢిల్లీ వికెట్ నష్టానికి 41 పరుగులు చేసింది. బెంగాల్‌తో మ్యాచ్‌లో పంజాబ్ 191 పరుగులకు ఆలౌటైంది.విదర్భను 190 పరుగులకే కుప్పకూల్చిన హైదరాబాద్ తొలి రోజు ఆట ముగిసే సమయానికి 2 వికెట్ల నష్టానికి 90 పరుగులు చేసింది.