70,851 మంది టీచర్లు దాఖలు

1వ తేదీ వరకు ఎడిట్ ఆప్షన్..

హైదరాబాద్, నవంబర్ 29 (విజయక్రాంతి): టెట్ (టీచర్ ఎలిజిబిలిటీ టెస్ట్)కు 2,26,956 దరఖాస్తులు వచ్చాయి. తుదిగడువు శనివారంతో ముగిసింది. ఈనెల 29 సాయంత్రం 6 గంటల వరకు దరఖాస్తు చేసుకున్న అభ్యర్థుల వివరాలను పాఠశాల విద్యాశాఖ డైరెక్టర్ నవీన్ నికోలస్ తెలిపారు. ఇందులో ఇన్ సర్వీస్ టీచర్లు పేపర్1కు 26,788 మంది, పేపర్2కు 44,063 మంది కలిపి మొత్తం 70,851 మంది దరఖాస్తు చేసుకున్నారు.

మిగిలిన అభ్యర్థులు పేపర్1కు 55,133, పేపర్2కు 1,00,972 మంది కలిపి మొత్తం 1,56,105 మంది దరఖాస్తు చేసుకున్నారు. రెండు విభాగాలు కలిపి పేపర్1కు 81,921 మంది, పేపర్2కు 1,45,035 మంది దరఖాస్తు చేసుకున్నట్లు ఆయన పేర్కొన్నారు. ఎడిట్ ఆప్షన్‌కు డిసెంబర్ 1 వరకు అవకాశం కల్పించారు. ఇన్‌సర్వీస్ టీచర్లకు టెట్ తప్పనిసరంటూ ఇటీవల సుప్రీంకోర్టు తీర్పు వెలువరించిన నేపథ్యంలో టెట్‌కు ఈసారి టీచర్లు భారీగా దరఖాస్తు చేసుకున్నారు.