వాయు కాలుష్యాన్ని కట్టడి చేద్దాం

మన నగరాలు, పట్టణాలను వాయు కాలుష్యం పట్టి పీడిస్తున్నది. ముఖ్యంగా నగరాలలో డీజిల్ వాహనాల నుంచి వెలువడే భయంకర పొగవల్ల శ్వాసకోశ వ్యాధులు సోకే ప్రమాదం పెద్ద ఎత్తు న ఉంది. ప్రజలు ప్రత్యామ్యాయ ఇంధన వాహనాలను వాడటం శ్రేయస్కరం. ఓలా, ఊబర్, ర్యాపిడో వంటి వాహన సర్వీసులలో ప్రజలు కాలుష్యం లేని వాహనాన్ని ఎంచుకునే ఆప్షన్ విధానం మెరుగు పరచాలి. ఉదా॥కు ఆయా యాప్‌లలో ప్రయాణికుడు ఆటో లేదా క్యాబ్ ఎంపిక చేసుకున్నట్లయితే అందులో ఎలక్ట్రిక్, సి.ఎన్.జి., ఎల్.పి.జి., పెట్రోల్, డీజిల్ వాహనాల అందుబాటును కూడా తప్పక చేర్చాలి. ఇటువంటి ఆప్షన్‌ల ఏర్పాటుకు యాప్ సంస్థలు వెంటనే చర్యలు చేపట్టాలి.

- కప్పగంతు వెంకట రమణమూర్తి, సికింద్రాబాద్