బొంతలు కుట్టేవారిని ఆదరిద్దాం

రాష్ట్రంలోని ఆయా నగరాలు, పట్టణాలకు చెందిన బొంతలు కుట్టేవారిని ప్రభుత్వం అన్ని విధాల ఆదుకోవాల్సి ఉంది. వారికి రుణ సౌకర్యం, మార్కెట్ సదుపాయాలు కల్పించాలి. పేద, మధ్యతరగతి ప్రజలకు నాణ్యమైన పద్ధతిలో బొంతలు సమకూరుస్తున్న వీరి పరిస్థితి అత్యంత దయనీయంగా ఉంది. ఎన్నో వ్యయ ప్రయాసలకు ఓర్చి బొంతలను కుట్టుకుని, వాటిని సైకిళ్లు, ద్విచక్ర వాహనాలపై వేసుకొని ఊరూరు, వీధివీధిలో తిరుగుతూ అమ్ముకుంటుంటారు. ఫలితంగా వీరికి వచ్చే ఆదాయం అంతంత మాత్రమే. ఆధునిక బెడ్‌షీట్స్‌వల్ల వీరి వృత్తి చాలావరకు తగ్గుముఖం పట్టింది. అయినా, వీటికి ఆదరణ లేకపోలేదు. 

- షేక్ అస్లాం షరీఫ్, శాంతినగర్