డిజిటల్ ప్రపంచంలో సిద్ధూతో..

వరుస బ్లాక్‌బస్టర్ హిట్లు ఖాతాలో వేసుకుంటూ కెరీర్‌లో దూసుకుపోతోంది అందాల భామ మీనాక్షి చౌదరి. ఈ బ్యూటీ ఇప్పుడు డిజిటల్ ప్రపంచంలోకి అడుగుపెట్టబోతోంది.  కమర్షియల్ సినిమాలతో పాటు నటనకు ప్రాధాన్యం ఉన్న పాత్రలను ఎంచుకుంటూ ప్రేక్షకుల మది దోచు కుంటున్న మీనాక్షి.. ఇప్పుడు ఓ భారీ వెబ్‌సిరీస్‌లో హీరోయిన్‌గా ఎంపిక కావటం అందరిలో ఆసక్తిని రేకెత్తిస్తోంది.

హీరో సిద్ధూ జొన్నలగడ్డతో కలిసి దర్శకుడు వెంకీ అట్లూరి ప్రముఖ ఓటీటీ ప్లాట్‌ఫాం నెట్‌ఫ్లిక్స్ కోసం ఓ వెబ్‌సిరీస్ రూపొంది స్తున్నారు. ఈ సిరీస్ కోసమే మీనాక్షిని హీరోయిన్‌గా ఎంపిక చేసుకున్నారు. గ్లోబల్ ఆడియన్స్‌ను దృష్టిలో ఉంచుకుని కమర్షియల్ ఎలిమెంట్స్‌తో తెరకెక్కిస్తున్న ఈ సిరీస్ ప్రస్తుతం ప్రీ-ప్రొడక్షన్ దశలో ఉంది. సిద్ధూ బాడీ లాంగ్వేజ్‌కు మీనాక్షి గ్లామర్, నటన తోడైతే ఈ సిరీస్ మరో స్థాయికి వెళ్లడం ఖాయమనేది ట్రేడ్ వర్గాలు చెప్తున్న మాట.