నందమూరి బాలకృష్ణ, బోయపాటి శ్రీను కొలాబరేషన్ లో వస్తున్న డివైన్ యాక్షన్ సినిమా ’అఖండ 2: తాండవం’. రామ్ ఆచంట, గోపీచంద్ ఆచంట నిర్మిస్తున్నారు. ఈ సినిమా 2డీ, 3డీ రెండు ఫార్మాట్లలో డిసెంబర్ 5, 2025న ప్రపంచవ్యాప్తంగా విడుదల కానుంది. ఈ సందర్భంగా ఈ చిత్రంలో కీలక పాత్ర పోషించిన హర్షాలి మల్హోత్రా విలేకరుల సమావేశంలో సినిమా విశేషాలని పంచుకున్నారు.

- చాలా ఎక్సైటింగ్ గా ఉంది.  దాదాపు పదేళ్ల తర్వాత మళ్లీ నేను థియేటర్లకి వస్తున్నాను. ’అఖండ2’ చిత్రంలో జనని అనే క్యారెక్టర్ లో కనిపిస్తాను. తను చాలా స్వీట్, కేరింగ్. తనకి అఖండ బ్లెస్సింగ్స్ ఉంటాయి. జనని లైఫ్ ఎప్పుడు డేంజర్ లో ఉన్న అఖండ తనకోసం వస్తారు.

 - ’బజరంగీ భాయిజాన్’ తర్వాత చాలా పాత్రలు వచ్చాయి. అయితే నేను ఒక మంచి పాత్ర కోసం ఎదురు చూశాను. అలాంటి సమయంలో అఖండ2 అవకాశం వచ్చింది. లెజెండరీ బాలకృష్ణతో నటించడం ఒక గొప్ప అవకాశం. నేను ఇలాంటి అవకాశం కోసమే ఎదురు చూశాను.

- బాలకృష్ణ వెరీ కూల్. ఒక లెజెండరీ యాక్టర్ తో కలిసి నటించడం అంటే మొదట చాలా నెర్వస్ ఫీల్  అయ్యాను. అయితే ఆయన చాలా కేరింగ్ పర్సన్. నన్ను ఎంతో ప్రోత్సహించారు. ఒక ఫ్యామిలీ మెంబర్ లాగానే చూసుకున్నారు. బాలకృష్ణ వెరీ ఎనర్జిటిక్, అన్ స్టాపబుల్.

- మైనస్ డిగ్రీస్ ఉన్న కొన్ని లొకేషన్స్ లో సూట్ చేసాం. అంత చలి ప్రదేశాలలో షూటింగ్ వెరీ చాలెంజింగ్. అలాగే ఈ సినిమాలో యాక్షన్ స్టంట్స్ కూడా చేశాను.

- బజరంగీ భాయిజాన్ తర్వాత వచ్చిన గ్యాప్ లో స్టడీస్ పై ఫోకస్ చేశాను. అలాగే కథక్ నేర్చుకున్నాను. ఒక మంచి అవకాశం కోసం ఎదురు చూస్తున్నప్పుడు ఈ సినిమా రావడం అదృష్టంగా భావించాను.

- తెలుగు ఇండస్ట్రీకి రావడం చాలా ఆనందంగా ఉంది. నా రెండో సినిమానే తెలుగు సినిమా కావడం, ఒక లెజెండరీ యాక్టర్ తో నటించడం అద్భుతమైన అనుభూతి.

- బోయపాటి గారు ఎంతో కేర్ తీసుకున్నారు. షూటింగ్ చేస్తున్నప్పుడు నెర్వస్ గా ఫీల్ అయితే నువ్వు తప్పకుండా చేయగలవని ఎంతో ప్రోత్సహించేవారు. సన్నివేశం పూర్తయిన తర్వాత అద్భుతంగా చేసావని అభినందించేవారు. ఆయన ప్రోత్సాహం నాలో మరింత ఎనర్జీని నింపింది. జననీ పాత్ర కోసం బోయపాటి నన్ను ఎంచుకోవడం నా అదృష్టంగా భావిస్తున్నాను. 

- సల్మాన్ ఖాన్ తో చాలా అందమైన జ్ఞాపకాలు ఉన్నాయి. మేం టేబుల్ టెన్నిస్ ఆడేవాళ్ళం. చాలా సరదాగా ఉండేది. అలాగే బాలయ్యతో కూడా చాలా మంచి ఫన్ మూమెంట్స్ ఉన్నాయి. ఆయన షూటింగ్లో ఎనర్జీ కోసం కషాయం తాగమని చెప్పేవారు. కానీ నాకు అల్లం అంటే ఇష్టం ఉండదు. (నవ్వుతూ) ఆయన ఒక ఫ్యామిలీ మెంబర్ లానే చూసుకున్నారు.

-తెలుగులో నాకు ఇష్టమైన స్టార్స్.. బాలయ్య, అల్లు అర్జున్,  ప్రభాస్.

- నాకు సంజయ్ లీలా బన్సాలీ సినిమాలో చేయాలని ఉంది. ఆయన హీరోయిన్స్ ని చూపించే విధానం చాలా అద్భుతంగా ఉంటుంది. నాకు అన్ని రకాల జానర్స్ చేయాలనీ వుంది. మంచి కాంబినేషన్స్ లో మెయిన్ లీడ్ గా చేయాలని ఉంది. అలాగే ఛాలెంజింగ్  క్యారెక్టర్స్ చేయాలని ఉంది.