ఇండియన్ ఫిలిం ఇండస్ట్రీలో వన్ ఆఫ్ లీడింగ్ హీరోయిన్గా కొనసాగుతున్న భామల్లో టాప్లో ఉంటుంది బాలీవుడ్ నటి దీపికా పదుకొణె ప్రభాస్తో ’కల్కి 2898 ఏడీ’లో మెరిసిన ఈ బ్యూటీ సీక్వెల్లో నటించేందుకు మాత్రం నో చెప్పిందని తెలిసిందే. సందీప్ రెడ్డి వంగా డైరెక్షన్లో రాబోతున్న ’స్పిరిట్’ ఆఫర్ను కూడా వద్దని చెప్పింది. ఈ భామ కెరీర్లో తొలిసారి డిఫరెంట్ రోల్ చేస్తూ టాక్ ఆఫ్ ది ఇండస్ట్రీగా నిలువనుందన్న వార్త ఇప్పుడు నెట్టింట వైరల్ అవుతోంది.

మ్యాడ్ డాక్ ఫిలిమ్స్ తెరకెక్కించనున్న రెండు కొత్త ప్రాజెక్టుల్లో దీపికా పదుకొణె బెంగాలీ ఘోస్ట్ (దెయ్యం) శాఖ్చునిగా కనిపించనుందట. ఈ బ్యానర్లో మ్యాడ్ డాక్ హార్రర్ కామెడీ యూనివర్స్ సూపర్ పాపులారిటీ ఉందని తెలిసిందే. తాజా టాక్ ప్రకారం ఈ టాప్ బ్యానర్ ఇటీవలే రెండు సినిమాల కోసం దీపికాపదుకొనేను సంప్రదించాయట. అయితే నిర్ణయం తీసుకోవాలంటే మొత్తం స్క్రిప్ట్ కావాలని అడిగినట్టు బీటౌన్ సర్కిల్ సమాచారం.

ఇప్పటివరకు అధికారిక ప్రకటన ఏం రాకున్నా.. తాజా వార్తలు గమనిస్తే దాదాపు ఈ సినిమాలు ఫైనల్ అయినట్టేనని అర్థమవుతోంది. ఒకవేళ ఇదే నిజమైతే దీపికా పదుకొనే కెరీర్లోనే ఇది కొత్త చాఫ్టర్ కానుందనడంలో ఎలాంటి సందేహం లేదు. తాజా ప్రాజెక్టులతో మ్యాడ్ డ్యాక్ ఫిలిమ్స్ హార్రర్ కామెడీ యూనివర్స్ మరింత విస్తరించనుందని అర్థమవుతోంది. దీపికాపదుకొనే ప్రస్తుతం ఆట్లీ-అల్లు అర్జున్ కాంబోలో రాబోతున్న ’ఏఏ22xఏ6’ ప్రాజెక్టులో నటిస్తోంది. ఈ సినిమా ఇప్పుడు చిత్రీకరణ దశలో ఉంది.