కన్నడ చిత్ర పరిశ్రమలో విషాదం చోటు చేసుకుంది. ప్రముఖ కన్నడ సినీ నటుడు శ్రీకాంతయ్య ఉమేష్(80) ఆదివారం కన్నుమూశారు. గత కొంతకాలంగా క్యాన్సర్ వ్యాధితో బాధపడుతున్న బాధపడుతున్న ఆయన పరిస్థితి విషమించడంతో ఇవాళ ఆయన తుది శ్వాస విడిచారు. 1960లో చైల్డ్ ఆర్టిస్టుగా ఇండస్ట్రీలోకి వచ్చిన ఉమేష్ 350కి పైగా సినిమాల్లో నటించారు. సుమారు 60 ఏళ్లకు పైగా చిత్ర పరిశ్రమకు సేవలు అందించిన నటుడు ఉమేష్ మరణ వార్త కన్నడ చిత్ర పరిశ్రమను తీవ్ర దిగ్బ్రాంతకి గురిచేస్తుంది.

నాగరహోళె, గురు శిష్యుడు, అనుపమ, కమనబిల్లు, అపూర్వ సంగమం, శృతి సెరిదగ, హాలు జేను, గోల్‌మాల్ రాధాకృష్ణ వంటి చిత్రాలలో ఉమేష్ చిరస్మరణీయమైన నటనకు ప్రసిద్ది చెందారు. కన్నడ సినీ హాస్యనటుడు ఎం.ఎస్.ఉమేష్ మృతి పట్ల కర్ణాటక ఉప ముఖ్యమంత్రి డి.కె. శివకుమార్ విచారం వ్యక్తం చేశారు. మరణించిన వారి ఆత్మకు శాంతి చేకూరాలని ప్రార్థిస్తూ, మృతుల కుటుంబానికి తన సంతాపాన్ని వ్యక్తం చేస్తూ, ఈ నష్టాన్ని భరించే శక్తిని కోరుకుంటున్నానని అన్నారు.